| e-texts navigator |
| Wylie |
230b1 སྦྱིན།། རྣལ་འབྱོར་པ་གང་སེར་ཆེན་པོ།། དེ་ཡི་ལྷ་ནི་ང་རྒྱལ་སྦྱིན།། རྣལ་འབྱོར་པ་གང་ཧཱུཾ་སྔོ་ཆེ།། དེ་ཡི་ལྷ་ནི་ཕྲག་དོག་སྦྱིན།། རྣལ་འབྱོར་པ་གང་དཀར་དམར་ཉིད། ཆགས་པའི་ལྷ་ནི་དེ་ལ་སྦྱིན།། རྣལ་འབྱོར་པ
230b2 གང་དཀར་སེར་ཆེ།། དེ་ལ་ཞེ་སྡང་ལྷ་སྦྱིན་ནོ། བྱིས་པ་སྐྱེ་བོའི་རིགས་ཅན་ལ།། ང་རྒྱལ་མི་བཅག་ཐོ་མི་འཚམ།། ཀུན་རྫོབ་རིགས་སུ་གནས་ནས་ནི།། དེ་རྣམས་བདེ་གཤེགས་རིགས་སུ་འགྱུར།། བུད་མེད་རྣམས
230b3 ཀྱིས་མཚན་མ་ནི།། ཇི་ལྟར་སྐྱེས་པ་དེ་བཞིན་ནོ།། ཁྲག་འཐུང་རྒྱལ་ལ་འཁྱུད་ནས་ནི།། ཕྲེང་བའི་རྒྱུ་རྣམས་གང་གང་ལགས།། རྒྱས་འདེབས་མ་ལ་ལོ་བཏབ་ནས།། ཁྲོ་བོའི་རྒྱལ་པོས་བཀའ་སྩལ་པ།། བཟླས་པའི
230b4 ཡུལ་ནི་འདི་རྣམས་སོ།། ཤེལ་གྱིས་རེངས་པ་ཉིད་ལ་ཡིན།། དབང་ལ་ཙནྡན་དམར་པོ་ཉིད།། ལུང་ཐང་གིས་ནི་མངོན་སྤྱོད་ཉིད།། ནི་རཱཾ་ཤུ་ནི་སྡང་བ་ལ།། རྟ་ཡི་རུས་པས་སྐྲོད་པ་ཉིད།། བྲམ་ཟེའི་རུས་པས་དགུག་པ
230b5 ཉིད།། གླང་ཆེན་རུས་པས་སེར་བ་ལ།། མ་ཧེ་ཡིས་ཀྱང་བསད་པ་ལའོ།། རེངས་པས་འོ་མ་བཏུང་བ་ཉིད།། དབང་ལ་ར་ཡི་ཤ་ཟའོ།། བསད་པ་ལ་ནི་ཤྲ་ནའི་ཤ། དགུག་པ་ལ་ནི་བཞི་མཉམ་ཉིད།། སྲན་མ་ཡང་ནི་བྱ
230b6 བར་བརྗོད།། བསྐྲད་པ་ཉིད་ལ་གླང་པོར་བརྗོད།། ཐའི་ས་དང་། དང་པོའི་ས་དང་། ན་དང་པོ་དང་། ག་དང་པོ་དང་། ཧ་དང་པོ་ཉིད་ཀྱིས་དངོས་གྲུབ་རྒྱུད་ནི་འདི་འགྱུར་རོ།། བཟླས་པ་གྲུབ་པའི་འབྲས་བུ་ཇི་ལྟར
iiif viewer powered by OpenSeadragon
