| e-texts navigator |
| Wylie |
230a1 ཉིད།། ལྕེབས་དང་འདུན་པ་བཟའ་བར་བྱ།། ཁྲོ་བོ་རྣམ་རྟོག་རྣམ་སྤངས་ཏེ།། སྙིང་རྗེ་ལྡན་པའི་སེམས་ཀྱིས་ནི།། བསད་པའི་ཤ་ནི་བཟའ་བར་བྱ།། སྙིང་རྗེ་མེད་པས་དེ་མི་རུང་།། ཁྲོ་བ་སྤངས་པས་ཤ
230a2 རྣམས་བཟའ།། མཚན་མ་རྣམས་ནི་རྟོག་མི་བྱ།། སྲིན་མོའི་ཚོགས་ལ་གཏོར་མ་སྦྱིན།། སྒྲུབ་པས་དངོས་གྲུབ་ཐོབ་པར་འགྱུར།། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས་མཚོན་བྱེད་ཀྱི་ལེའུ་སྟེ་བཅུ་དགུ
230a3 པའོ།། །། དེ་ནས་རིགས་བརྟག་པའི་ལེའུ་བཤད་པར་བྱ་སྟེ། རྒྱས་འདེབས་མ་ལ་དམ་འཁྱུད་ནས།། ཚེམས་ཀྱིས་མ་མཆུ་བཟུང་ནས་སུ།། རིགས་ཅན་རྣམས་ཀྱི་རིགས་གཟུགས་ཞུ།། འཁོར་ལོའི་གཙོ་བོས
230a4 བཀའ་སྩལ་པ། ལུས་ཅན་རྣམས་ཀྱི་རིགས་བཤད་ཀྱི།། ལྷ་མོ་ཚུལ་ཅན་མཆོག་ཉོན་ཅིག། སྐྱེས་པ་བུད་མེད་གང་ཞིག་གི། མཐེབ་སྲིན་གྱི་ནི་རྩ་བ་ལ།། རྡོ་རྗེ་ནག་པོ་རྩེ་དགུ་པ།། དེ་ཡི་རྩ་བར་དེ་གནས་པ།། རྡོ་རྗེ
230a5 རིག་ཆེན་མཆོག་ཏུ་བཤད།། དེ་ཡི་རྩ་བར་འཁོར་ལོའི་རིགས།། རིན་ཆེན་ཁ་གཉིས་གྱེས་པ་ནི།། རིན་པོ་ཆེ་ཡི་རིགས་སུ་གསུངས།། པདྨའི་སྡོང་པོ་ཆགས་པ་ནི།། པདྨའི་མེ་ཡི་སྡོང་པོའི་འོད།། དཔག་མེད་པ་ཡི
230a6 རིགས་ཉིད་དོ།། རྒྱ་གྲམ་རལ་གྲིས་མཚན་པ་ནི།། ལས་ཀྱི་རིགས་སུ་གསུངས་པ་ཡིན།། རྣལ་འབྱོར་གང་དག་ཁ་དོག་ནག། དེ་ཡི་ལྷ་ནི་ཞེ་སྡང་སྦྱིན།། རྣལ་འབྱོར་པ་གང་དཀར་པོ་ནི།། དེ་ཡི་ལྷ་ནི་གཏི་མུག
iiif viewer powered by OpenSeadragon
