| e-texts navigator |
| Wylie |
22b1 གནས།། སྡུག་བསྔལ་ཉིད་ན་བྱང་ཆུབ་སེམས།། འཁོར་བ་ཉིད་ན་མྱ་ངན་འདས།། སྒྲིབ་པ་ཉིད་ན་མངོན་སངས་རྒྱས།། བྱང་ཆུབ་སྤྱོད་སྒོ་ཇི་སྙེད་པ།། དེ་སྙེད་འབྲས་བུ་བདེ་ལ་འཁོད།། ངེས་དོན་དེ་ལ་འདུས་པར
22b2 བྱོས།། ཞེས་གསུངས་པས།། བྱང་ཆུབ་སེམས་དཔའི་དེ་དག་སོམ་ཉི་དང་བྲལ་ནས། རང་རང་གི་དེ་བཞིན་ལ་དམིགས་ནས་འཁོད་དོ།། དེ་ཚེ་འགྲོ་དྲུག་སེམས་ཅན་རྣམས།། ལས་ཀྱི་སྟོབས་ཀྱིས་དབང་བསྒྱུར
22b3 ཡང་།། ལོག་ལྷའི་མཐུས་བསྙེམས་མ་དད་པ།། ཇི་སྙེད་གནས་པ་ཐམས་ཅད་ཀུན།། སངས་རྒྱས་བསྟན་ལ་དད་པར་གྱུར།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། འགྲོ་བ་ཐམས་ཅད་འདུལ་བ་ལ་མ་དད་པའི་རྒྱུ
22b4 འབྱུང་བའི་ལེའུ་སྟེ་བདུན་པའོ།། །། དེ་ནས་ཡང་རྡོ་རྗེ་འཛིན་པའི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཧོ་གསང་བ་མཆོག་གི་བདག། བྱང་ཆུབ་སྤྱོད་པའི་ལམ་མཆོག་ལ།། འགྲོ
22b5 བ་ཇི་སྙེད་དད་པ་ལས།། ལས་ཀྱི་ལོག་ལྟ་མ་དད་པའི།། རྒྱུ་དང་རྐྱེན་ནི་ཇི་ལྟར་ལགས།། མ་དད་པ་ནི་ཅི་ཡི་ཕྱིར།། རིགས་དང་སྡེ་ནི་གང་དུ་གཏོགས།། འབྲས་བུ་སྨིན་པ་ཇི་ལྟར་ལགས།། ཞེས་གསོལ་པ
22b6 དང་།། བཅོམ་ལྡན་འདས་ཀྱིས་བཀའ་སྩལ་པ།། དཀའ་འཐུབ་ཅན་གྱི་སེམས་ཅན་དེ།། ལེགས་པའི་རྒྱུ་ལས་མ་བྱུང་སྟེ།། མེད་པའི་གཟུང་འཛིན་རྟོག་ངན་རྒྱུ།། རྐྱེན་ནི་ཆགས་སྡང་སྤྱོད་ལ་ཞེ་ན།། ལྟ་བ་ལོག་པ་ཉོན
iiif viewer powered by OpenSeadragon
