| e-texts navigator |
| Wylie |
22a1 སྐྱེ་བར་ངེས།། ཞེས་གསུངས་པས། འཁོར་གྱི་བྱང་ཆུབ་སེམས་དཔའ་དེ་དག་སྐྲག་སྔངས་ཏེ་བརྒྱལ་བར་གྱུར་ཏོ།། དེ་ནས་ཡང་རྡོ་རྗེ་འཛིན་པ་ཆེན་པོས་འདི་སྐད་ཅེས་གསོལ་ཏོ།། བཅོམ་ལྡན
22a2 འདས་ཐུགས་རྗེ་ཆེན་པོ་ཐབས་མཁས་པའི་བདག་ཉིད་རྟོག་པ་དང་བཅས་པའི་བྱང་ཆུབ་སེམས་དཔའ་དེ་དག། སླར་གསོས་ཏེ་རྟོག་པ་སྩལ་དུ་གསོལ་ཞེས་ཞུས་པ་དང་། བཅོམ་ལྡན་འདས་ཀྱིས་བསྐུལ་བར་མཁྱེན
22a3 ཏེ། དེ་ནས་བྱང་ཆུབ་སེམས་དེ་ཁོ་ན་ཉིད་ཀྱི་ཏིང་ངེ་འཛིན་ལ་ཞུགས་ཏེ། བྱང་ཆུབ་སེམས་ཀྱི་འོད་ཟེར་འཕྲོ་ཞིང་འཁྱིལ་བ་དེ། བྱང་ཆུབ་སེམས་དཔའ་རྣམས་ལ་བསྟིམས་ཏེ། བྱིན་གྱིས་བརླབ་པ་མཛད་ནས། བྱང
22a4 ཆུབ་སེམས་དཔའ་དེ་དག་སླར་དྲན་པ་རྙེད་ནས། བཅོམ་ལྡན་འདས་ཀྱི་ཞལ་དུ་མིག་མི་འཛུམ་པར་བལྟས་ཏེ་འཁོད་དོ།། དེ་ནས་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་རྣམས་རང་རང
22a5 གི་འདུ་ཤེས་ངན་པ་དེ་ཐོང་ཞིག། བྱང་ཆུབ་སྤྱོད་པའི་གནས་འདི་ཡིན།། ཐམས་ཅད་ནམ་མཁའི་མཚན་ཉིད་དེ།། ནམ་མཁའ་ལ་ཡང་མཚན་ཉིད་མེད།། དེ་ཉིད་འཇིག་རྟེན་སྣ་ཚོགས་ཏེ།། ཕྱག་རྒྱའི་ཚོགས་ཆེན་དེ་ཉིད
22a6 དོ།། ཆོས་རྣམས་སྒྱུ་མར་དབང་བསྒྱུར་བས།། དེ་ལ་དངོས་པོ་ག་ལ་ཡོད།། ཅི་སྤྱད་ཅི་བསྒོམས་ཅི་བསྒྲུབས་ཀྱང་།། དེ་ལ་དངོས་པོ་ཡོད་མི་འགྱུར།། བྱང་ཆུབ་ཉིད་དེ་ལྟུང་གནས་མེད།། དམྱལ་བའི་གནས་ཉིད་བླ་མེད
iiif viewer powered by OpenSeadragon
