| e-texts navigator |
| Wylie |
229a1 ལོ་རིན་ཆེན་ལྟེ་དབུས་དྲངས།། གཏུམ་མོ་བདེ་བའི་གཟུག་ཅན་ལ།། མཆོག་གི་ཡེ་ཤེས་དང་པོ་ཡིས།། སྙིང་གའི་དབུས་སུ་ཐིག་ལེ་འདྲེན།། རྩེ་གནས་བུ་ག་གསལ་བྱེད་པ།། ཐིག་ལེ་རིན་ཆེན་ཕྲེང་བར
229a2 གནས།། བདེ་བའི་ཡེ་ཤེས་གསང་མཛད་མཆོག། རིན་ཆེན་དབུགས་འདྲེན་གཉིས་པའོ།། འབར་བའི་ཐིག་ལེ་རིན་ཆེན་འདྲེན།། ཀ་ཧ་ཡ་ནར་ཐིག་ལེའི་གཟུགས།། རིན་ཆེན་བདེ་བ་མཆོག་གི་མཆོག། གསང་བའི
229a3 བདེ་བ་གསུམ་པར་གསུངས།། མཆོག་གི་ཡེ་ཤེས་སེལ་མཛད་པའི།། བུ་ག་རྩ་ཡི་ཐིག་ལེ་འདྲེན།། དབུས་སུ་ཕྲ་བའི་གཟུགས་ཅན་དེ།། ཐིག་ལེ་བ་ཐག་རྒྱུན་བཞིན་གནས།། ནཱ་ད་ཐམས་ཅད་ཐིམ་གྱུར་ནས།། མཐར
229a4 ཕྱིན་ཡེ་ཤེས་འབྲས་བུའི་མཆོག། ཕྱག་རྒྱ་ཆེན་པོ་སྐྱེ་བར་འགྱུར།། འཕར་དང་དགའ་དང་དགོད་པ་དང་།། ས་ལ་འདི་དག་འབྱུང་བར་འགྱུར།། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུ་ལས་ཕྱག་རྒྱའི་ལེའུ་སྟེ་བཅོ
229a5 བརྒྱད་པའོ།། །། དེ་ནས་མཚོན་པ་དབྱེ་བའི་ལེའུ་བཤད་པར་བྱ་སྟེ།། གང་གིས་ངེས་པ་ཤེས་འགྱུར་ནས།། གྲོགས་དང་བྲན་མོར་ཐེ་ཚོམ་མེད།། གང་གིས་སོར་མོ་གཅིག་སྟོན་པ།། ངེས་པར་ལེགས་པར་འོང
229a6 བ་ཡིན།། གཡོན་པའི་མཐེ་བོང་བཅས་པ་ལ།། བསྐྲུན་མེད་ཕྱག་རྒྱར་ཤེས་པར་བྱ།། གང་གི་མཐེབ་སྲིན་སྟེར་བ་ལ།། དེ་ཡི་ཐ་ཆུང་སྦྱིན་པར་བྱ།། གང་གིས་མཛུབ་མོ་སྟོན་པ་ལ།། དེ་ཡིས་འོག་མ་བསྟན
iiif viewer powered by OpenSeadragon
