| e-texts navigator |
| Wylie |
228b1 ནི་འདི་ཉིད་ཡང་ཞུས་པ།། སྐལ་མེད་སེམས་ཅན་གང་གིས་འདུལ།། ཁྲོ་བོའི་རྒྱལ་པོས་བཀའ་སྩལ་པ།། གསུམ་པ་རྩ་ཡི་སྦྱོར་བ་ཡིས།། གདུག་དང་བསད་དང་དབྱེ་བ་དང་།། ད་ཧའི་སྒྲ་ཡིས་འདུལ་བར་འགྱུར།། ལྷ
228b2 མོ་གཞན་གྱིས་འདུལ་མི་འགྱུར། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས་ཚོགས་ཀྱི་ལེའུ་བཅུ་བདུན་པའོ།། །། དེ་ནས་ཡང་ཕྱག་རྒྱ་ཆེན་པོའི་ལེའུ་བཤད་པར་བྱ་སྟེ། ཐིག་ལེ་ཨེ་བཾ་རིན་ཆེན
228b3 གཟུགས།། དབུས་སུ་བཾ་གིས་རྒྱས་པར་བརྒྱན།། ཐིག་ལེའི་རིན་ཆེན་གནས་ཉིད་དོ།། སངས་རྒྱས་རིན་ཆེན་ཐིག་ལེའི་གཟུགས།། རྩ་རྣམས་ཀུན་ནས་དྲངས་ནས་ནི།། ཕྲ་བའི་བདག་ཉིད་སྙིང་གར་བསྒོམ།། ཕྲ་བ
228b4 བ་ཐག་ཚུལ་བཞིན་གནས།། ཤིན་ཏུ་འབིགས་པའི་བདེ་བའི་གཟུགས།། འབར་བའི་རྩ་རུ་ཐིམ་གྱུར་ཏེ།། ཡོ་གོཏྟ་ར་ཕྲ་བའི་གཟུགས།། གཏུམ་མིག་མར་ནི་བདེ་བ་ཅན།། ཀ་ཏ་ར་ཡ་ན་ཕྲ་གཟུགས་ཏེ།། བདེ་བ་འཛིན
228b5 དུ་རྡོ་རྗེ་འཛིན།། ཕྲད་པ་ཐུབ་པའི་བདེ་བ་མཆོག། བྷ་གར་རིན་ཆེན་འདྲེན་པར་བྱེད།། པདྨ་རིན་ཆེན་རྩ་ཁ་ཕྱེད།། རིན་ཆེན་བདེ་བ་ཕྲ་བའི་གཟུགས།། ཐིག་ལེ་བདེ་བ་ཐིམ་གྱུར་ཏེ།། ཕྲ་མོའི་ཡེ་ཤེས་སྐྱེ་བར
228b6 འགྱུར།། ཐིག་ལེ་གང་བུའི་གཟུགས་ཅན་དེ།། རྡོ་རྗེ་ནོར་བུའི་རྩེ་མོར་འདྲེན།། བདེ་བ་ཕྲ་མོ་ཕྲད་པའོ།། འཁོར་ལོ་འབར་བ་དྲངས་པ་ཡིན།། ཤིན་ཏུ་བདེ་བའི་གཟུགས་ཅན་ནོ།། དང་པོ་བདེ་བའི་ཡེ་ཤེས་སོ།། འཁོར
iiif viewer powered by OpenSeadragon
