| e-texts navigator |
| Wylie |
227b1 བཞད་ཅིང་ཐལ་བརྡབས་པས།། བསྒྲུབ་བྱའི་ལུས་ནི་འགས་པར་འགྱུར།། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས་མནན་པའི་ལེའུ་སྟེ་བཅུ་དྲུག་པའོ།། །། དེ་ནས་ཡང་ཚོགས་ཀྱི་ལེའུ་བཤད་པར་བྱ
227b2 སྟེ།། བྷ་གར་ལིངྒ་རབ་གནས་ནས།། ཡང་ནས་ཡང་དུ་འོ་མཛད་ནས།། བདེ་ཆེན་མཉམ་པ་མྱོང་མཛད་དེ།། རྡོ་རྗེ་ཅན་གྱིས་བཟའ་བར་བསྟན།། ཚོགས་ཀྱི་དཀྱིལ་འཁོར་བཟའ་བར་ནི།། ཉོན་ཅིག་ལྷ་མོ་རིན་ཆེན
227b3 མ།། གང་དུ་ཟོས་པས་འདོད་དོན་ཀུན། སྒྲུབ་པ་ཅན་གྱིས་དངོས་གྲུབ་འགྱུར།། དུར་ཁྲོད་རི་ཡི་བྱང་སྐྱོབས་དང་།། དེ་བཞིན་མི་མེད་གྲོང་ཁྱེར་དང་།། ཡང་ན་དབེན་པ་རྒྱ་མཚོའི་མཐར།། བཟའ་བ་འདི་ནི་རབ་ཏུ
227b4 བཟའ།། དེ་ལ་སྟན་དུ་བརྟག་པ་ནི།། རོ་ནི་གཟུགས་ཅན་བཅུ་གཅིག་དང་།། ཡང་ན་སྟག་གི་པགས་པ་དང་།། དུར་ཁྲོད་རས་ནི་དེ་བཞིན་ནོ།། དབུས་སུ་རྡོ་རྗེ་གཞོན་ནུའི་གཟུགས།། ཇི་ལྟར་སྣང་བཞིན་གནས
227b5 བཞེངས་ནས།། ཕྱོགས་དང་ཕྱོགས་བྲལ་དག་ཏུ་ཡང་།། ཁྲོ་བོ་བཅུ་རྣམས་ལེགས་པར་དགོད།། དམ་ཚིག་མ་ལི་ཏན་དྷ་ནམ།། སྟག་གི་པགས་པའི་སྟེང་དུ་བཟའ།། འབལ་ནས་རྒྱལ་པོའི་དྲི་ཆེན་པོ།། བཟའ་བ་དེ་ཉིད
227b6 བཟའ་བ་ཉིད།། དེར་ནི་ཟོས་ནས་ཡང་དང་ཡང་།། སྲིན་མོའི་ཚོགས་ནི་མཆོད་པར་བྱ།། ཚོགས་ཀྱི་འཁོར་ལོ་སྒྲུབ་པར་འགྱུར།། སྐྱེས་པའི་ཐོད་པ་ཆ་གཅིག་པ།། ཆང་ནི་བཟང་པོས་ཡོངས་བཀང་སྟེ།། བླ་མ་ལ་དབུལ
iiif viewer powered by OpenSeadragon
