| e-texts navigator |
| Wylie |
225b1 ཕྱོགས་སུ་རྡོ་རྗེ་རླུང་འབྱིན་མ།། མེ་ལྷའི་ཕྱོགས་སུ་སྡེར་མོ་སྟེ།། བདེན་བྲལ་ཕྱོགས་སུ་རྡོ་རྗེ་གཏུན་ཁུང་མ།། རླུང་ལྷའི་ཕྱོགས་སུ་རྡོ་རྗེ་མདའ་སྙེམས་མ།། དབང་ལྡན་ཕྱོགས་སུ་རྡོ་རྗེ་གསོད་ཆེན་མ།། ས་བདག་སྟེང་དུ
225b2 རྡོ་རྗེ་བསྐྱོད་ཆེན་མ།། ལྷ་མོ་འདི་རྣམས་བསྐོར་ཏེ་གནས།། ཧ་ཧ་སྒྲོག་པའི་བདག་ཉིད་ཅན།། འཇིགས་པའི་གཟུགས་ཅན་ལྷ་མོ་ཚོགས།། སྲིན་མོའི་ཚོགས་ནི་དྲི་འཛིན་མོའོ།། མི་བཟད་སྲིན་མོའི་དཀྱིལ་འཁོར་ཕོ
225b3 བྲང་རྫོགས། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས་རྡོ་རྗེ་སྲིན་མོའི་ལེའུ་སྟེ་བཅུ་བཞི་པའོ།། །། དེ་ནས་མེའི་མཚན་ཉིད་ཀྱི་ལེའུ་བཤད་པར་བྱ་སྟེ།། མེ་ལ་རྣམ་པ་དུ་ཞིག་མཆིས།། ཁྲོ་བོའི་རྒྱལ
225b4 པོས་བཀའ་སྩོལ་ཅིག། རྒྱས་འདེབས་མ་ལ་དམ་འཁྱུད་ནས།། མེ་ཡིས་མཚན་ཉིད་རྣམ་གཉིས་གསུངས།། དེ་ལྟར་ཕྱི་དང་ནང་ཉིད་དོ།། ནང་གི་མཚན་ཉིད་ཇི་ལྟར་ལགས།། ལྷ་མོ་བདག་ནི་ཁྱེད་ལ་ཞུ།། ཉོན་ཅིག
225b5 ལྷ་མོ་རིན་ཆེན་མ།། ཀླུ་དབང་ཐིག་ལེ་ཕུག་ནས་ནི།། སྙིང་གར་རིན་ཆེན་འབར་བ་སྟོན།། འབར་བ་དག་གི་གཟུགས་ཅན་ཉིད།། དྲི་བྲལ་ཐིག་ལེའི་གོང་བུའོ།། ཕྲ་མོར་དམིགས་པའི་ཐིག་ལེ་ཉིད།། བརྟན་པར་བྱེད
225b6 པ་ཕྲ་མོའོ།། གསལ་བྱེད་འོད་ཀྱིས་གཟུགས་ཅན་ཉིད།། ཐིག་ལེ་དབུས་ནས་འདྲེན་པ་ཉིད།། དྲི་བྲལ་དངོས་པོ་སྲེག་པའི་མཆོག། ནང་གི་སྦྱིན་སྲེག་དེ་ལྟར་གསུངས།། ཕྱི་ཡི་སྦྱིན་བསྲེག་ཇི་ལྟར་བྱ།། རྣལ་འབྱོར།
iiif viewer powered by OpenSeadragon
