| e-texts navigator |
| Wylie |
225a1 པའོ།། །། དེ་ནས་སྲིན་མོའི་ལེའུ་བཤད་པར་བྱའོ།། དང་པོ་བྱམས་པ་བསྒོམ་པར་བྱ།། གཉིས་པ་ལ་ནི་སྙིང་རྗེ་སྟེ།། གསུམ་པར་དགའ་བ་མཆོག་ཏུ་གསུངས།། ཐམས་ཅད་ཐ་མར་བཏང་སྙོམས
225a2 ཏེ།། དེ་ནས་ཡང་ནི་འདི་ལྟ་སྟེ།། སྟོང་པའི་རིན་ཆེན་བྱང་ཆུབ་སེམས།། གཉིས་པ་ཨ་གཟུགས་ཉོན་མོངས་འཇོམས།། གསུམ་པ་རིན་ཆེན་གཟུགས་རྫོགས་པའོ།། བཞི་པ་རིན་ཆེན་ཕྲེང་བ་དགོད།། རཾ་ནི་ཉི་མ་རྣམ
225a3 པར་བསྒོམ།། ཉི་མ་སྣ་ཚོགས་རྡོ་རྗེའི་དངོས།། ར་བ་དྲ་བར་རབ་བཅིངས་ནས།། དང་པོ་སྒོམ་བྱ་རླུང་ཉིད་དེ།། དེ་འོག་རིན་ཆེན་ས་གཞི་སྟེ།། བཞི་པ་ཐོད་པའི་གཞལ་ཡས་ཁང་།། ལྔ་པ་མེ་རི་སྨུག་ནག
225a4 འཐིབ།། དབུས་སུ་བསྒོམ་བྱ་རོ་ཉིད་དེ།། ཉི་ཟླ་རྣམ་གཉིས་དབུས་སུ་ནི།། དེ་ཡིས་དབུས་སུ་ཨ་ཉིད་གནས།། ཨ་ལས་ཁ་ཊྭཱཾ་གར་བྱུང་སྟེ།། ཁ་ཊྭཱཾ་དབུས་ལ་ཨ་ཡིས་མཚན།། ནག་པོ་ཆེན་མོ་སྟོབས་ཆེན་མོ།། ཞུ་བ
225a5 ལས་ནི་འཁྲུངས་པའོ།། མེ་ཏོག་འབར་རུའི་དམར་སྤྱན་ཅན།། དམར་སེར་དབུ་སྐྲ་གྱེན་དུ་བརྫེས།། ཁ་ཊཾ་ཐོད་པ་ལག་ན་འཛིན།། རཀྟའི་ཞག་དང་ཐིག་ལེས་བརྒྱན།། རྒྱས་འདེབས་ནག་མོ་འཇིགས་ཆེན་མ།། ལྷ་མོ
225a6 འདི་བཅུས་བསྐོར་ཏེ་གནས།། སྟེང་དུ་ལྷ་མོ་སྒྲ་འབྱིན་གནས།། བརྒྱ་བྱིན་ཕྱོགས་སུ་སྙེམས་མ་གནས།། གཤིན་རྗེའི་ཕྱོགས་སུ་རྡོ་རྗེ་དུར་ཁྲོད་གནས།། ཆུ་བདག་ཕྱོགས་སུ་རྡོ་རྗེ་གཏུམ་ཆེན་གནས།། གནོད་སྦྱིན
iiif viewer powered by OpenSeadragon
