| e-texts navigator |
| Wylie |
224b1 ཡོངས་སུ་དག་པའི་རྒྱུད་ལས་ཐིག་ལེ་དབྱེ་བའི་ལེའུ་སྟེ་བཅུ་གཉིས་པའོ།། །། དེ་ནས་ལྟ་སྟངས་ཀྱི་ལེའུ་བཤད་པར་བྱའོ།། མཉམ་པ་མ་རུངས་དཔྲལ་བ་ཅན།། དཀྱིལ་འཁོར་བྱེད་པའི་བལྟ་བས་ནི།། གསོད
224b2 པའི་ལྟ་བ་མཆོག་ཏུ་བཤད།། པུས་མོ་ཟླུམ་པོར་བཙུགས་ནས་ནི།། དབང་གིས་ལྟ་སྟངས་གཡོན་ན་གནས།། གཡས་པ་གཡོན་དུ་ལྡོག་ནས་ནི།། གཡོན་པའི་ཆ་ལ་རྣམ་པར་གཟིགས།། དབང་གི་བལྟ་བ་ཡིན་པར
224b3 བཤད།། དཔུང་པའི་འདུག་སྟངས་ལེགས་གནས་ནས།། མིག་ཕུར་གཉིས་ནི་ལྡོག་ནས་ནི།། སྣ་ཡི་རྩེ་མོར་བལྟ་བ་ནི།། རྒྱས་པའི་ལྟ་སྟངས་ཡིན་པར་བཤད།། མིག་ཕུར་གཉིས་ནི་ལེགས་བཞག་ནས།། དབུས་སུ
224b4 མཉམ་པོར་བལྟ་འདྲ་ནི།། ཞི་བའི་ལྟ་སྟངས་ཡིན་པར་བཤད།། འདི་ལ་འཁྲུག་པར་མི་བྱ་སྟེ།། འགྲུབ་འགྱུར་འདི་ལ་ཐེ་ཚོམ་མེད།། སངས་རྒྱས་རྫུ་འཕྲུལ་བསམ་མི་ཁྱབ།། ལྟ་སྟངས་ཆེན་པོ་འདི་ཡིས་ནི།། དྲེགས་པ
224b5 ཅན་རྣམས་བརྟན་པར་བཟུང་།། སེམས་ཅན་བྱ་བ་སྤང་ནས་ནི།། བྱ་བ་མ་ཡིན་ཐམས་ཅད་བྱ།། དེ་ལ་དམ་ཚིག་བཟའ་བ་དང་།། ན་དྷ་ག་ཧ་དང་པོ་དང་།། ཟ་ཡི་ཤ་དང་དང་པོའི་ཤ། ཞེ་སྡང་བདག་པོས་དངོས་གྲུབ
224b6 འགྲུབ།། ཐམས་ཅད་བདུད་རྩིའི་རང་བཞིན་ཏེ།། ལྟ་སྟངས་བཞི་ཡིས་ཀུན་བལྟས་ནས།། ཐམས་ཅད་ཀུན་ནས་བཟའ་བར་བྱའོ།། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས་ལྟ་སྟངས་ཀྱི་ལེའུ་སྟེ་བཅུ་གསུམ
iiif viewer powered by OpenSeadragon
