| e-texts navigator |
| Wylie |
224a1 པོར་བརྟེན་པར་བཞུགས།། ཕུར་པ་གསོ་བའི་མཚན་ཉིད་དོ།། པདྨ་ཐིག་ལེ་དྲངས་ནས་ནི།། བསྒྲུབ་བྱའི་ལྟེ་བའི་དབུས་སུ་བསྣུན།། བསྒྲུབ་བྱ་གསོ་བའི་མཚན་ཉིད་དོ།། རྡོ་རྗེ་ཕུར་པ་ཞེ་སྡང་ཡོངས་སུ
224a2 དག་པའི་རྒྱུད་ལས་བསྒྲུབ་བྱའི་ལེའུ་སྟེ་བཅུ་གཅིག་པའོ།། །། དེ་ནས་ཐིག་ལེ་དབྱེ་བའི་ལེའུ་བཤད་པར་བྱ་སྟེ།། གང་གིས་རྣམ་པར་ཤེས་ཙམ་གྱིས།། བསྒྲུབ་པའི་དངོས་གྲུབ་ཐོབ་པར་འགྱུར།། བསྒྲུབ་བྱའི་ལྟེ
224a3 བའི་རྩ་དག་ལ།། འཇིགས་པ་སྲིན་པོའི་གཟུགས་ཅན་བསམ།། སྙིང་གར་བྱིན་ཟའི་ས་བོན་ཉིད།། གཅེར་བུ་སྐྲ་གྲོལ་ཁྲག་སྐྱུག་ཅིང་།། འདར་ཞིང་སྤྱིའུ་ཚུགས་གནས་པར་བསམ།། བཤང་པ་རྡོ་རྗེའི་ལམ་དུ
224a4 ནི།། བདུད་རྩི་འཁྱིལ་བ་འཇིགས་པའི་གཟུགས།། བཤང་བའི་ལམ་དུ་ཕུག་ནས་ནི།། ཤ་ཁྲག་མནར་ཏེ་སྲིན་པོས་ཐོས།། མ་ཕུག་པར་ནི་མྱོང་མི་འགྱུར།། ཕུག་པས་དགའ་བ་འབྱིན་པའོ།། གང་ཡང་དམིགས་པ་སྐད
224a5 ཅིག་གིས།། ཡུད་ཙམ་གྱིས་ནི་གསོད་པར་བྱེད།། རྒྱུད་འདི་ལ་ནི་སྦྱིན་སྲེག་མེད།། ཕྱག་རྒྱ་བཅིང་བར་བྱ་བའང་མེད།། རྒྱུད་འདི་བཀླགས་པས་གྲུབ་པ་ཡིན།། བསམ་གཏན་ཙམ་གྱིས་འགྲུབ་པར་འགྱུར།། རྣམ་རྟོག
224a6 མེད་པའི་རྣལ་འབྱོར་དག། བསྟན་པ་ལ་ནི་གནོད་བྱེད་དང་།། བླ་མ་ལ་ནི་སྨོད་བྱེད་པ།། བླ་མ་ཐུབ་པ་ལ་ཞུས་ནས།། སྙིང་རྗེས་གསད་པར་བྱ་བ་ལས།། གཞན་དུ་བྱ་བར་མ་གསུངས་སོ།། རྡོ་རྗེ་ཕུར་པ་ཞེ་སྡང
iiif viewer powered by OpenSeadragon
