| e-texts navigator |
| Wylie |
223b1 ཕྲན་བཞུགས་པ་ཐམས་ཅད་ཀྱིས།། བརྡུངས་ཏེ་ཤ་ཁྲག་ཞལ་དུ་གསོལ།། དགྱེས་ཏེ་ཧ་ཧ་བཞད་མོར་བཅས།། དུམ་བུ་ཁྲག་འཐུང་ཚོགས་ལ་བསྟབ།། བརྡུང་བའི་མཚན་ཉིད་དེ་ལྟར་བཤད།། རྒྱས་འདེབས་མ་ཡིས
223b2 ཡང་ཞུས་པ།། གནས་སྤསྦར་རིམ་པ་ཇི་ལྟར་ལགས།། ཁྲོ་བོའི་རྒྱལ་པོས་བཀའ་སྩལ་ཅིག། མགྲིན་པའི་ཐིག་ལེ་མནན་ནས་ནི།། རྒྱས་འདེབས་མ་ལ་བཀའ་སྩལ་པ།། རྡོ་རྗེ་རླུང་གི་རྔ་མོ་ལ།། ཟླ་བའི་དཀྱིལ་འཁོར
223b3 གནས་པར་བསམ།། སྲས་མཆོག་རྩེ་མོ་བསྡུས་པའོ།། བསྒྲུབ་བྱའི་སེམས་དེ་ཟླ་དཀྱིལ་བཞག། ཕཊ་ཀྱི་ཚོགས་ཀྱིས་རྣམ་པར་འཕང་།། འོག་མིན་བདེ་གཤེགས་སྤྱི་གཙུག་ནས།། ཧཱུཾ་གིས་བཞུ་སྟེ་རྡོ་རྗེའི་ལམ།། འཁོར
223b4 བཅས་རྡོ་རྗེའི་སྐུར་གྱུར་ནས།། དབང་བསྐུར་སངས་རྒྱས་སྲས་སུ་བྱས།། གནས་སྦར་རིམ་པ་དེ་ལྟར་བྱ།། ཁྲོ་མོ་ཆེན་མོས་ཡང་ཞུས་པ།། གསོ་བའི་མཚན་ཉིད་ཇི་ལྟར་ལགས།། ཁྲོ་བོའི་རྒྱལ་པོས་བཀའ་སྩོལ
223b5 ཅིག། ཉོན་ཅིག་ལྷ་མོ་རིན་ཆེན་མ།། དབུས་ཀྱི་ཐིག་ལེ་དྲངས་ནས་ནི།། འབར་བའི་གནས་སུ་ཐིམ་ནས་ནི།། རོ་མྱོང་བདེ་བའི་གཟུགས་ཅན་ནི།། བདག་ཉིད་གསོ་བར་གསུངས་པའོ།། བྷ་གའི་ཐིག་ལེ་དྲངས་ནས
223b6 ནི།། ཆུ་སྲིན་ཁ་རུ་ཐིམ་པར་བསམ།། བ་ཟག་རྒྱུན་གྱི་ཐིག་ལེ་དག། ཟླ་བའི་དཀྱིལ་འཁོར་སྟེང་གནས་པའི།། ཐིག་ལེ་གཟི་བརྗིད་ཆེན་པོར་འབར།། འོད་ཟེར་སྤྲིན་ཕུང་རྣམ་པར་འཁྲུགས།། གཟི་བརྗིད་ཆེན
iiif viewer powered by OpenSeadragon
