| e-texts navigator |
| Wylie |
223a1 དང་བསྒྲུབ་བྱ་རྣམས་པར་བསམ།། རྡོ་རྗེའི་རླུང་ཆེན་འཁྲུགས་ནས་ནི།། དེ་ནི་རྣམ་པར་འཐབ་པར་བསམ།། ནག་པོ་དུག་གཏོར་གཏོར་བས་ནི།། དེ་ཉིད་རྣམ་པར་དབྱེ་བར་བསམ།། དབྱེ་བའི་མཚན
223a2 ཉིད་འདི་ལྟར་གསུངས། རྒྱས་འདེབས་མ་ཡིས་ཡང་ཞུས་པ།། རིན་ཆེན་པདྨ་ཁ་ཕྱེ་ནས།། བུམ་པ་རིན་ཆེན་ཕྱག་གིས་བཟུང་།། ཁྲོ་བོའི་རྒྱལ་པོས་བཀའ་སྩལ་པ།། སྤྱི་བོར་མགྲིན་པ་སྙིང་ག་དང་།། ལྟེ་བ་གསང་བ
223a3 རྐང་མཐིལ་དུ།། སྲས་མཆོག་ཕུར་པས་ཕུག་ནས་ནི།། ཁྲོ་བོའི་ཚོགས་ཀྱི་སེམས་དྲངས་ཏེ།། བཀའ་ཉན་རྣམས་ཀྱིས་ཁྲག་འཐུངས་པས།། བསྒྲུབ་བྱ་དེ་ནི་བརྒྱལ་བར་འགྱུར།། ཕྱི་ཡི་གདབ་པ་དེ་ལྟར་བཤད།། རྒྱས
223a4 འདེབས་ཕྱག་རྒྱ་ཡང་དག་འཛིན།། ཁྲོ་རྒྱལ་ཁྱོད་ལ་དོན་འདི་ཞུའོ།། རྡོ་རྗེ་རིན་ཆེན་བཟུང་ནས་ནི།། རྒྱས་འདེབས་མ་ལ་དོན་འདི་བཤད།། ལྕགས་ཀྱུས་བསྒྲུབ་བྱ་བཀུག་ནས་ནི།། གཅེར་བུ་སྤྱིའུ་ཚུགས་འདར་བར
223a5 བསམ།། གསང་བའི་རྡོ་རྗེ་རྩེ་ལྔ་འོད་ཟེར་འབར།། སྤྱོད་པ་རིན་ཆེན་བཏབ་པ་ཡིས།། སངས་རྒྱས་ཡིན་ཡང་བརླག་པར་འགྱུར།། གསང་བའི་གདབ་པ་དེ་ལྟར་བཤད།། རྒྱས་འདེབས་མ་ཡིས་ཡང་ཞུས་པ།། བརྡུང
223a6 བའི་མཚན་ཉིད་ཇི་ལྟར་ལགས།། རི་དྭགས་ལྟེ་བ་མནན་ནས་ནི།། ཁྲོ་བོའི་རྒྱལ་པོས་བཀའ་སྩལ་པ།། མཐིང་ནག་འབར་བའི་གཏུན་ཁུང་དུ།། ལྷུ་དུམ་གྱུར་པའི་གཟུགས་དག་ལ།། སྨུག་ནག་ཁྲོ་བོ་ཐོ་བ་ཅན།། རྡུལ
iiif viewer powered by OpenSeadragon
