| e-texts navigator |
| Wylie |
222b1 ནས་རཀྟས་བྱུགས་པ་གཟུགས།། མཐིང་ནག་གུར་ཆེན་རྒྱན་གྱིས་བརྒྱན།། འབྲུབ་ཁུང་མཚན་ཉིད་འདི་ལྟར་གསུངས།། གཞན་ཡང་སྒྲུབ་པའི་མཚན་ཉིད་ནི།། ལྷ་ཡི་དཀྱིལ་འཁོར་རྫོགས་པ་དང་།། ཕྱག་བརྙན
222b2 དཀྱིལ་འཁོར་དབང་བསྐུར་དང་།། ཕྱག་རྒྱའི་དཀྱིལ་འཁོར་རྫོགས་པ་དང་།། ཕྱག་བརྙན་རྣམས་ནི་བསྐུལ་བ་དང་།། སྙིང་པོ་བཟླས་བརྗོད་འདོན་པ་དང་།། བསྒྲུབ་པའི་ཆོ་ག་ཞེས་སུ་བཤད།། རྒྱས་འདེབས་མ
222b3 ཡིས་དོན་འདི་གསོལ།། དགུག་པའི་མཚན་ཉིད་ཇི་ལྟར་ལགས།། དགུག་པའི་མཚན་ཉིད་བཀའ་སྩལ་པ།། རླུང་གི་རྔ་མོའི་སྟེང་དུ་ནི།། ཟླ་བའི་དཀྱིལ་འཁོར་རྒྱ་གྲམ་བསམ།། དམར་སྨུག་རླུང་གི་ཚོགས་ཀྱིས
222b4 གཏམས།། དེ་ཡི་སྟེང་དུ་བསྒྲུབ་བྱ་ནི།། གཅེར་བུ་རལ་བསྙིལ་འདར་བ་བསམ།། རྡོ་རྗེ་ཁྲོ་བོས་སྐྲ་ནས་བཟུང་།། ལྕགས་ཀྱུ་འབར་བས་རབ་དྲངས་ཏེ།། དམར་སྨུག་འབར་བའི་རལ་པ་ཅན།། རྡོ་རྗེ་ཞགས་པས་འཛུད
222b5 པར་བསམ།། ནག་པོའི་ལྕགས་སྒྲོག་སྡང་སྒྲ་ཅན།། ཤིན་ཏུ་འབར་བས་བསྡམ་པར་མཛད།། སྔོ་སངས་དགྱེས་པའི་ཚུལ་བཞིན་གནས།། རྡུལ་ཕྲན་དྲིལ་བུའི་ཕྱག་རྒྱ་བསྟན།། དགུག་པའི་མཚན་ཉིད་འདི་ལྟར
222b6 བཤད།། རྒྱས་འདེབས་མ་ཡིས་ཡང་གསོལ་པ།། དབྱེ་བའི་མཚན་ཉིད་ཇི་ལྟར་ལགས།། བྷ་གར་ལིངྒ་བཞག་ནས་ཀྱང་།། སྣ་རྩེ་རྡོ་རྗེས་བྲུད་ནས་ནི། ཁྲོ་བོ་རྒྱལ་པོས་བཀའ་སྩལ་པ།། ཁྭ་ཏ་འུག་པའི་སྙིང་ག་རུ།། ལྷ
iiif viewer powered by OpenSeadragon
