| e-texts navigator |
| Wylie |
222a1 རུ་སྐྱེས་བུ་ཉིད།། སྤྱོད་པ་དངོས་གྲུབ་དོན་དུ་བྱེད།། སྨན་ཆེན་པོ་ནི་བཟའ་བར་བྱ།། རྡོ་རྗེའི་ཆུ་ཉིད་བཏུང་བར་བྱ།། རིམས་ཀྱི་ནད་ཀྱིས་འཆི་མི་འགྱུར།། མི་རོའི་སྒྲ་ཡིས་ཅོད་པན་བྱ།། ཧཱུཾ་ཟློས་ཁྲོ་བོའི
222a2 སྦྱོར་བ་ཅན།། ཁྲག་འཐུང་ལྔ་ཡི་ཐོད་པས་བརྒྱན།། བརྟུལ་ཞུགས་སྤྱོད་པ་རྣམ་པར་འཛིན།། ཐོད་པ་སོར་ལྔའི་ཚད་དུ་བྱ།། སྒྲ་ཡི་སྐེ་རགས་ཉིས་བསྐོར་ནི།། ཐབས་དང་ཤེས་རབ་རང་བཞིན་ཡིན།། ཐལ་རྒྱུ་ཞགས
222a3 མཆོག་ཕྱི་རུ་ཐོགས།། རྡོ་རྗེ་རྩེ་དགུ་བཟླས་ཕྱིར་ཐོགས།། ཁ་ཊྭཱཾ་ཤེས་རབ་རང་བཞིན་ཏེ།། རྡོ་རྗེ་ཐོད་ཐོགས་བརྟུལ་ཞུགས་འཛིན།། སྐལ་མེད་རྣམས་ཀྱིས་དེ་མི་ཤེས།། བཟའ་དང་དེ་བཞིན་བཏུང་བ་ཉིད།། ཇི་ལྟར
222a4 རྙེད་པ་རབ་ཏུ་བཟའ།། བཟའ་དང་མི་བཟའ་དཔྱད་མི་བྱ།། བཟའ་བ་མ་ཡིན་ཐམས་ཅད་གཟབ།། གཙང་དང་བཙོག་པའི་རྣམ་རྟོག་མེད།། འགྲོ་དང་མི་འགྲོ་རྣམ་རྟོག་མེད།། ཕྱག་རྒྱ་རྙེད་པའི་སློབ་མ་ཡང་།། བླ་མ
222a5 ལ་ནི་སྔོན་ཕྱག་འཚལ།། དུར་ཁྲོད་ཤ་ཁྲག་ཟ་བྱེད་ཅིང་།། བརྟུལ་ཞུགས་ཆེན་པོས་རྒྱུ་བར་བྱ།། ཕྱག་ན་རྡོ་རྗེ་ཕུར་པ་འཛིན།། གུ་གུལ་ཁྲག་དང་ཤ་ཆེན་འཛིན།། ཉུང་དཀར་རྒྱལ་པོ་ཁྲག་ཆེན་བསྣམས།། གནོད
222a6 གདུག་རྣམ་གཉིས་བསྒྲལ་སླད་དུ།། རྣལ་འབྱོར་སྤྱོད་པ་སེང་གེ་ལྟ་བུར་བྱ།། འཇིགས་མེད་སྤྱོད་པ་མཆོག་ཏུ་གསུངས།། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས་སྤྱོད་པའི་ལེའུ་སྟེ་བཅུ་པའོ།། །། དེ
iiif viewer powered by OpenSeadragon
