| e-texts navigator |
| Wylie |
221b1 ནོ།། བུམ་པ་རྡོ་རྗེ་ཅོད་པན་དབང་།། རྡོ་རྗེ་དྲིལ་བུ་ཕུར་པ་རིན་ཆེན་དབང་།། མི་དབང་དེ་བཞིན་བདག་པོའི་དབང་།། མཐར་གྱིས་བཀྲ་ཤིས་བརྗོད་པའོ།། རིན་ཆེན་ཐིག་ལེ་སེམས་དབང་ངོ་།། དབྱིངས་ཕྱུག་རྩ
221b2 ནས་དྲངས་ཏེ་བསྐུར།། ཡིད་བཞིན་པ་ནི་རིན་ཆེན་མཆོག། དབང་སྦྱིན་པ་ཡི་སློབ་མ་དེས།། དེར་ནི་འདི་རྣམས་མ་བྱིན་ན།། མི་བདེ་སྣ་ཚོགས་འབྱུང་བ་དང་།། མ་འོངས་མནར་མེད་འབྱུང་བ་ནི།། ཞེ་སྡང་བདག་པོ
221b3 ཉིད་ཀྱིས་གསུངས།། དེ་བས་འདི་རྣམས་དབུལ་བར་བྱའོ།། ཀཪྴ་པ་ན་སྟོང་རྣམས་དང་།། བུ་དང་ཆུང་མ་རྒྱན་གྱིས་བརྒྱན།། རིན་ཆེན་རྣམ་པ་སྣ་ཚོགས་དང་།། གཞན་ཡང་ཡིད་དུ་འོང་བའི་རྫས།། བྲན་ཕོ་བྲན་མོ་འཁོར
221b4 དང་བཅས།། དབང་བསྐུར་བླ་མ་དེ་ལ་དབུལ།། དེ་མེད་དབང་རྣམས་མི་ཐོབ་བོ།། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས་དབང་གི་རིམ་པའི་ལེའུ་སྟེ་དགུ་པའོ།། །། དེ་ནས་སྤྱོད་པའི་ལེའུ་བཤད
221b5 པར་བྱ་སྟེ། གང་གི་དངོས་གྲུབ་མཐར་འགྲོ་བ།། རྡོ་རྗེ་གཞོན་ནུའི་དངོས་གྲུབ་རྒྱ།། སྒྲུབ་པ་པོ་ཡིས་བཅང་བྱ་བ།། རྣ་བར་རུས་པའི་རྣ་ཆ་ཉིད།། སྤྱི་བོར་རུས་པའི་འཁོར་ལོ་བཟང་།། ལག་པར་རུས་པའི་ཕྲེང་བ
221b6 ཉིད།། སྐེད་པར་སྐྲ་ཡིས་སྐེ་རགས་གཉིས་བསྐོར་བ།། རྐང་པར་དེ་བཞིན་རུས་གདུབ་དང་།། དཔུང་པའི་རྩ་བར་རུས་ཕྲེང་ཉིད།། མགྲིན་པར་རུས་པའི་ཕྲེང་བ་སྟེ།། བགོ་བ་གླང་ཆེན་པགས་པ་ཉིད།། ཁྲག་འཐུང་ཧེ
iiif viewer powered by OpenSeadragon
