| e-texts navigator |
| Wylie |
221a1 བྲི།། བརྒྱ་བྱིན་ཕྱོགས་སུ་རྡོ་རྗེ་ཁ་ཊྭཱཾ་བྲི།། མེར་ནི་རྡོ་རྗེ་རིན་ཆེན་བྲི།། གཤིན་རྗེའི་ཕྱོགས་སུ་རྡོ་རྗེ་མདའ་ཉིད་བྲི།། བདེན་བྲལ་ཕྱོགས་སུ་རྡོ་རྗེ་གཞུ་ཉིད་བྲི།། ཆུ་བདག་ཕྱོགས་སུ་རྡོ་རྗེ་ཀྱོ་བ་བྲི།། རླུང་གི
221a2 ཕྱོགས་སུ་རྡོ་རྗེ་མེ་ཉིད་བྲི།། གནོད་སྦྱིན་ཕྱོགས་སུ་རྡོ་རྗེ་དབྱུག་ཐོ་བྲི།། དབང་ལྡན་ཕྱོགས་སུ་རྡོ་རྗེ་རྩེ་གསུམ་བྲི།། ཤར་སྟོད་དུ་ནི་རྡོ་རྗེ་ཐོད་པ་བྲི། ནུབ་སྨད་དུ་ནི་རྡོ་རྗེ་རྐང་པ་བྲི།། ཤིན་ཏུ་འཇིགས་པའི་གཟུགས་ཅན
221a3 བྲི།། སོ་སོར་ཐར་པ་དང་པོ་སྦྱིན།། དེ་ནས་བྱང་ཆུབ་སྡོམ་ཆེན་སྦྱིན།། དེ་ནས་དབུ་མའི་ཆོས་རྣམས་བཤད།། མཐར་ནི་འབྲས་བུའི་ཐེག་ཆེན་གྱི།། དབང་སྦྱིན་འབྲས་བུའི་རྒྱུད་འདི་བཤད།། དེ་ནས་རྡོ་རྗེ་སྙེམས་བཅས
221a4 ནས།། རྐང་པ་གཡས་པ་བརྐྱང་བྱས་ནས།། ལག་གཉིས་ཕྱག་རྒྱ་ཆེན་པོར་སྦྱོར།། སློབ་དཔོན་དཀྱིལ་འཁོར་འཇུག་པ་ཉིད།། ཁྲུས་དང་གཙང་སྦྲ་དྲི་ཞིམ་ལུས།། སྣ་ཚོགས་རྒྱན་གྱིས་རྣམ་པར་བརྒྱན།། ཧཱུཾ་སྙེམས
221a5 བྱམས་པའི་སྒྲ་ཡང་སྒྲོགས།། ཧི་ཧི་འཇིགས་པའི་སྒོ་ཕྱི་ནས།། དཀྱིལ་འཁོར་ཆེར་པོར་གཞུག་པར་འགྱུར།། དེ་ལ་སློབ་དཔོན་མཚན་ཉིད་ནི།། ལུས་སེམས་གཟུང་བ་མེད་པའོ།། ཤ་དང་ཁྲག་ཀྱང་མེད་ཅིང་བཤད
221a6 གཅི་མེད།། སྐྱུག་བྲོ་རྨོངས་མེད་གཙང་སྦྲ་མེད།། ཆགས་མེད་སྡང་བ་མེད་པའོ།། སེར་སྣ་མེད་ཅིང་ཕྲག་དོག་མེད་པའོ།། རྒྱལ་མེད་ཕམ་པ་མེད་པའོ།། ཁྲོ་བ་མེད་པའི་སློབ་དཔོན་གྱིས།། སློབ་མ་ལ་ནི་དབང་སྦྱིན
iiif viewer powered by OpenSeadragon
