| e-texts navigator |
| Wylie |
220b1 གཟི་བརྗིད་ཆེན་པོ་སྟེ།། ཐོད་ཕྲེང་རྡོ་རྗེ་ར་བར་བཅས།། རྡོ་རྗེ་མེ་འོད་འབར་བར་ལྡན།། དོ་ཤལ་དོ་ཤལ་ཕྱེད་པས་བརྒྱན།། ཕྲེང་བ་སྣ་ཚོགས་རྔ་ཡབ་ལྡན།། ཞིང་གི་རྐང་ཆེན་བརྒྱད་ཀྱིས་བརྒྱན།། རྡོ་རྗེ་སྲད་བུ་མཉམ
220b2 པར་ལྡན།། མེ་ཏོག་སྣ་ཚོགས་ཉེ་བར་བརྒྱན།། བདུག་པ་མར་མེ་ཉེ་བར་བྲི།། བུམ་པ་བཅུ་གཅིག་སོགས་པར་ལྡན།། དེ་ཡང་ཡལ་ག་ལ་སོགས་བརྒྱན།། མགྲིན་པ་ཞིང་གིས་བཀབ་པ་དང་།། རིན་ཆེན་སྣ་ལྔ་ཡོངས་སུ
220b3 གཞུག། རྣམ་པར་རྒྱལ་བ་ཤར་དུ་སྦྱིན།། རང་འདོད་ཁྲག་འཐུང་གཟུགས་ཀྱིས་ནི།། དུར་ཁྲོད་སྐྲ་ཤད་མ་སྤྱད་པ།། སར་པ་ལེགས་པར་བཀལ་བ་དང་།། ཤིན་ཏུ་ཚད་མ་མཛེས་པ་ཡིས།། མཁས་པས་ཐིག་ལེར་ཐིག
220b4 གདབ་བོ།། འཁོར་ལོའི་བདག་པོའི་བཟླས་པ་འབུམ།། དཀྱིལ་འཁོར་གཞན་གྱི་དེ་བཞིན་ཁྲི།། གོང་དུ་གསུངས་པའི་སྔགས་ཉིད་ཀྱིས།། མཁས་པས་ས་ཡི་བདག་པོ་སྦྱར།། གོང་གི་ཨ་སོགས་སྔགས་ཀྱིས་ནི།། དེ
220b5 ལ་གཏོར་མ་རྣམ་པར་སྦྱིན།། ཇི་ལྟར་བསམ་གཏན་དེ་བཞིན་འདིར།། བསྲུང་བ་ཇི་ལྟར་གསུངས་པ་ཉིད།། གང་ཞིག་དབང་ནི་རབ་ཕྱེ་བ།། རང་གི་དཀྱིལ་འཁོར་ཆོ་ག་བཞིན།། མཆོད་དང་གསོལ་པ་གདབ་པ་དང་།། ཇི
220b6 ལྟར་བཤད་པ་དེ་བཞིན་འདིར།། བསྲུང་བ་ཇི་ལྟར་གསུངས་པ་ཉིད།། དབང་ནི་རིམ་པས་སྦྱིན་པར་བྱ།། དབང་སྟེགས་རིམ་གཉིས་དཀྱིལ་འཁོར་བྲི།། དཀྱིལ་འཁོར་ཆེན་པོའི་དབུས་སུ་ནི།། རྡོ་རྗེ་ནག་པོའི་དཀྱིལ་འཁོར
iiif viewer powered by OpenSeadragon
