| e-texts navigator |
| Wylie |
219a1 དག་པའི་ལེའུ་བཤད་པར་བྱ་སྟེ། ངེས་པའི་དངོས་པོ་ཐམས་ཅད་ཀུན།། ཀུན་ནས་དག་པར་བརྗོད་པའོ།། ཕུང་པོ་ལྔ་དང་དབང་པོ་དྲུག། སྐྱེ་མཆེད་དྲུག་དང་འབྱུང་ཆེན་ལྔ།། རང་བཞིན་གྱིས་ནི་རྣམ་པར
219a2 དག། ཉོན་མོངས་ཤེས་བྱའི་སྒྲིབ་པ་བྱང་།། རང་ཉིད་བདག་ཉིད་དག་པ་ཉིད།། དག་པ་གཞན་གྱིས་དགྲོལ་བ་མེད།། ཡུམ་གྱི་དངོས་པོ་དག་པའི་ཕྱིར།། རང་རིག་དག་པའི་བདེ་བ་བཟུང་།། གཟུགས་ལ་སོགས་པའི་ཡུལ
219a3 རྣམས་དང་།། ཕྱིར་རོལ་དངོས་པོ་ཐམས་ཅད་ཀུན།། དངོས་པོ་ཀུན་ལས་དག་པ་སྟེ།། འདི་ལྟར་དག་པས་ཁྲག་འཐུང་ཁྲོ་རྒྱལ་ཉིད།། ཀྱེ་ཁྲོ་རྒྱལ་ཁྲག་འཐུང་གཙོ།། རྣམ་པར་མ་དག་པ་གང་ལགས། བཅོམ་ལྡན་འདས
219a4 ཁྲག་འཐུང་གཙོ་བོས་བཀའ་སྩལ་པ། གཟུགས་ལ་སོགས་པའོ།། དེ་ཅིའི་སླད་དུ་ཞེ་ན། གཟུང་བ་དང་འཛིན་པའི་དངོས་པོ་ལ་ཞེན་པའི་ཕྱིར་རོ།། ཀརྨ་ཧེ་རུ་ཀས་གསོལ་པ།། ཁྲོ་བོའི་རྒྱལ་པོ་གཟུང་བ་དང་འཛིན་པ་གང
219a5 ལགས།། ཁྲོ་བོའི་རྒྱལ་པོས་བཀའ་སྩལ་པ།། མིག་གིས་གཟུང་བར་བྱ་བ་དང་།། སྣ་ཡིས་ཚོར་བར་བྱ་བ་དང་།། ལྕེས་ནི་རོ་ལ་མྱོང་བ་དང་།། དག་པ་དུག་མེད་བསྟེན་བྱ་ཉིད།། གཟུགས་ནི་རྣམ་པར་རྒྱལ་བའོ།། ཚོར་བ
219a6 གཤིན་རྗེའི་གཤེད་པོ་ཉིད།། འདུ་ཞེས་ཧ་ལ་གྲི་པའོ།། འདུ་བྱེད་བདུད་རྩི་འཁྱིལ་པའོ།། རྣམ་ཤེས་ཕུང་པོ་ཞེ་སྡང་བདག། རུས་པ་དབྱུག་པ་སྔོན་པོ་སྟེ།། ཁྲག་ནི་མི་གཡོ་མགོན་པོའོ།། དྲོད་ནི་གཞན་གྱིས་མི་ཐུབ
iiif viewer powered by OpenSeadragon
