| e-texts navigator |
| Wylie |
218b1 གཡོན་པར་ཨ་ལས་ཟླ་བའི་དཀྱིལ་འཁོར་དུ་ཨ་བསམ། གུང་མོ་ལ་ཨོཾ་བསམ།། མཐེ་བོང་ལ་ཧཱུཾ། མཛུབ་མོ་ལ་ཏྲཾ། སྲིན་ལག་ལ་ཧྲི་བསམ། མཐེ་ཆུང་ལ་ཨ་བསམ།། འདི་རྣམས་ཉི་ཟླའི་དཀྱིལ་འཁོར་གྱི་སྟེང་དུ་རྣམ་པར
218b2 གནས་པར་བསམ།། དེ་ནས་རྡོ་རྗེ་ཐལ་མོ་མཉམ་པར་གཞག་པར་བྱ་སྟེ། ཨོཾ་བཛྲ་ཨཉྫ་ལི་ཧཱུཾ་ཞེས་བརྗོད་པས། སོར་མོ་ཅུང་ཟད་བསྣོལ་ཏེ།། བཛྲ་བྷནྣ་ཧཱུཾ་ཞེས་བརྗོད་པས་སོར་མོ་རྒྱབ་སྦྱར་ཏེ་བསྡམ། དེ་ནས་ས་མ་ཡ་སྟྭཾ
218b3 ཞེས་བརྗོད་པས་ཕུར་པ་བླང་ཏེ་ལག་པར་བཅུག་ལ། ལག་པ་རྟིང་པ་ཕྱེ་སྟེ་མཐེ་བོང་གཉིས་དང་སྲིན་ལག་གཉིས་དང་མཐེའུ་ཆུང་གི་ཕྲག་ཏུ་བཅུག་ལ།། མཐེ་བོང་ཡང་བསྐུལ་ཞིང་བསྒྲིལ་ལོ།། ཨོཾ་བཛྲ་ཨཱ་བེ་ཤཱ་ཡ་ཨ་ཞེས
218b4 བརྗོད་པས།། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཡབ་ཡུམ་སྲས་དང་བཅས་པ་ཐམས་ཅད་ཞེ་སྡང་རྗེས་སུ་དྲན་པའི་སྐུ་ཡུངས་འབྲུ་ཙམ་གྲངས་མེད་པར་བསྡུ་ཞིང་བསྟིམ་མོ།། དེ་ནས་བྱིན་གྱིས
218b5 བརླབས་ཤིང་དབང་ཡང་བསྐུར་རོ།། གུ་གུལ་བདུག་ཅིང་ཉུང་དཀར་བརྡེག། ར་ཁྱི་ཁྲག་དང་གསུར་ཆེན་གྱིས།། སོ་སོའི་སྙིང་པོ་གདོན་ཅིང་བྱུག། བྱིན་བརླབ་དབང་བསྐུར་མཆོག་ཏུ་གསུངས།། བདེ་གཤེགས་རིན་ཆེན
218b6 གསལ་བ་ཡིས།། རྨད་བྱུང་བྱིན་གྱིས་བརླབ་པ་ཡི།། རིམ་པ་ཚུལ་སྦྱིན་ལ་སོགས་བྱ།། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། བྱིན་གྱིས་རློབ་པའི་ལེའུ་སྟེ་བདུན་པའོ།། །། དེ་ནས་ལྷ་རྣམས་ཡོངས་སུ
iiif viewer powered by OpenSeadragon
