| e-texts navigator |
| Wylie |
217b1 ཏུ་འཇིགས་པའི་ཚུལ་འཆང་ཞིང་།། གསལ་བ་ཕྱེ་བ་དེ་ཁོ་ནའོ།། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས་རྒྱུ་དང་ཚད་བསྟན་པའི་ལེའུ་སྟེ་དྲུག་པའོ།། །། དེ་ནས་བྱིན་གྱིས་རློབ་པའི་ལེའུ་བཤད་པར
217b2 བྱ་སྟེ། ཐོག་མར་སྐུ་གསུམ་དུ་བྱིན་གྱིས་བརླབ་པར་བྱའོ།། དང་པོ་སྟོང་པ་ཉིད་བསྒོམ་ནས།། ཆོས་ཉིད་སྐུར་བྱིན་གྱིས་རློབ་པའོ།། རྒྱ་མདུད་གཞལ་མེད་ཁང་དམིགས་ཏེ།། ཕྱོགས་བཞི་དབུས་དང་ལྔ་རྣམས་སུ།། རྣོ་མྱུར
217b3 ཡི་གེ་ཧཱུཾ་ལྔ་བཞག། དབུས་སུ་ཁྲག་འཐུང་འབར་བ་ཉིད།། ཤར་དུ་ཁམས་གསུམ་རྣམ་པར་རྒྱལ།། ལྷོ་རུ་གཤིན་རྗེ་གཤེད་པོ་ཉིད།། ནུབ་ཏུ་རྟ་མགྲིན་རྒྱལ་པོ་སྟེ།། བྱང་ཉིད་དུ་ནི་སྟོབས་པོ་ཆེ།། འདི་རྣམས་སོ་སོའི་སྙིང་པོ
217b4 དྲན་ཙམ་གྱིས་བསྐུལ་ཏེ།། གཟུགས་དང་གཉིས་སུ་མེད་མཆོད་དེ།། དཀྱིལ་འཁོར་རྒྱས་པར་རབ་དམིགས་ཏེ།། ཕྱི་ནང་མཆོད་པ་མ་ལུས་འབུལ།། དེ་ནས་དམ་ཚིག་ཉིད་བསྐུལ་ནས།། གཉིས་སུ་མེད་པར་ལྷ་རྣམས
217b5 རྫོགས།། གསལ་བ་ལྷ་ཡི་དཀྱིལ་འཁོར་རོ།། ལོངས་སྤྱོད་རྫོགས་སྐུར་བྱིན་གྱིས་རློབ་པའོ།། དེ་ནས་སྲས་མཆོག་ཀི་ལ་ཡར་བསྐྱེད་པ་ནི།། ལྟེ་བ་ཡན་ཆད་མཐིང་ནག་ལ།། དབུ་སྐྲ་ཁམ་ནག་གྱེན་དུ་འཁྱིལ།། སྦྲུལ་ནག
217b6 བརྒྱན་ཅིང་ཐོད་ཕྲེང་བཅིངས།། སྤྱན་གསུམ་པ་ནི་སྡང་མིག་བགྲད།། གཡོན་པའི་ཕུར་བུ་དག་ལ་གཟིགས།། མཆེ་བ་རྣམ་པར་གཙིགས་པ་སྟེ།། རབ་ཏུ་རྔམ་པའི་ཞལ་དང་ལྡན།། དུར་ཁྲོད་མེ་དཔུང་དབུས་ན
iiif viewer powered by OpenSeadragon
