| e-texts navigator |
| Wylie |
216b1 པ་དང་མ་རུངས་པ།། འདི་ནི་དྲག་པོ་སྒྲུབ་པའི་གནས།། སྲིན་པོ་བསྒྲལ་བའི་ས་མཁར་དང་།། སྲོག་ཆགས་བསད་པའི་ཁྲག་རྗེས་དང་།། མ་བདུན་འདུས་པའི་ས་དག་ཏུ།། ཞི་བ་སྒྲུབ་པའི་གནས་སུ་གསུངས།། མེ་ཏོག
216b2 འབྲས་བུ་ལྡན་པའི་རི།། གཅན་གཟན་གདུག་པ་ཡོད་པ་དང་།། ངང་པ་བཞད་དང་སྐད་སྙན་བྱ།། མཚོ་གླིང་དང་ནི་རྒྱལ་པོའི་གནས།། བྲམ་ཟེའི་ཁྱིམ་དང་མུ་སྟེགས་གྲོང་།། གླིང་བཟང་དག་དང་ལྷ་ཡི་གནས།། ལྷ་རྟེན
216b3 དྲུང་དང་དུར་ཁྲོད་དུ།། འདིར་ནི་རྒྱས་པ་བསྒྲུབ་པར་བྱའོ།། སྟག་གི་སོ་འདྲ་སྦྲུལ་གྱི་ལྕེ།། བྲག་ནི་སྲིན་མོའི་མགོ་བཅད་འདྲ།། ལུང་པ་ཟངས་རི་འདྲ་བ་དང་།། སྟོན་པའི་ཞབས་ཀྱིས་བཅགས་པའི་གནས།། འདི་རྣམས
216b4 བཀྲ་ཤིས་བདེ་བའི་གནས།། འདིར་ནི་དབང་གི་ལས་སྒྲུབ་གསུངས།། འདི་དག་གནས་ཀྱི་རིམ་པ་སྟེ།། ཕྱེ་བས་རྣམ་པ་བཞི་རྣམས་ནི།། སྒྲུབ་པའི་གནས་སུ་གསུངས་པའོ།། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད
216b5 ལས་གནས་བསྟན་པའི་ལེའུ་སྟེ་ལྔ་པའོ།། །། དེ་ནས་ཕུར་བུའི་རྒྱུ་བསྟན་པའི་ལེའུ་བཤད་པར་བྱ་སྟེ། ཀཱི་ལ་ཡ་ཡི་རྒྱུ་རྣམས་ནི།། རྣོ་ཞིང་གདུག་པའི་མཚོན་ཤིང་ལ།། ཟངས་སམ་ལྕགས་སམ་རིན་ཆེན་རྣམས།། བཀྲ
216b6 ཤིས་པ་ཡི་རྒྱུ་རུ་གསུངས།། དྲག་པོ་ལྕགས་ཀྱི་ཕུར་པ་ལ།། གྲི་ལྕགས་མདེའུ་རྙིང་རྟགས་ཕྱིན་དང་།། གནམ་ལྕགས་ཐོག་གི་ལྕགས་དག་དང་།། གཅོད་དང་རྣོ་དང་བྲ་ལ་སོགས།། ལྕགས་སྣ་ལྔ་པོ་དག་ལ་ནི།། དྲག་པོ་མི
iiif viewer powered by OpenSeadragon
