| e-texts navigator |
| Wylie |
215b1 བསངས་མ་ནི་རོ་འཛིན་མ།། འཇིགས་ཆེན་མོ་ནི་འཁྱུད་བྱེད་མའོ།། ལྷ་མོ་ལྔ་ཡི་ཁྱད་པར་གྱིས།། བདེ་ཆེན་འཇིགས་པའི་གཟུགས་མཆོད་པའོ།། དཔའ་བོ་འཇིགས་པའི་གཟུགས་ཅན་ལ།། བསྡུས་ཏེ་སྙིང་གར་རབ
215b2 ཞུགས་པས།། རྣལ་འབྱོར་པ་བདག་ཞེ་སྡང་འགྱུར།། སྔོན་པོ་ཅུང་ཟད་དམར་མདངས་མདོག། རྡོ་རྗེ་ཁྲོས་པའི་གཟུགས་འཆང་ཞིང་།། དམར་ནག་རལ་པ་གྱེན་དུ་བརྫེས།། རྒྱན་ལྔ་ཡིས་ནི་རྣམ་པར་བརྒྱན།། རུས་པའི
215b3 འཁོར་ལོ་སྦྲུལ་གདུབ་དང་།། སྐྲ་ཡི་སྐེ་རགས་ཐལ་ཆེན་ཚོམ་བུ་དང་།། རཀྟའི་ཐིག་ལེས་རྣམ་བརྒྱན་པ།། འདི་དག་རྒྱན་ལྔར་རབ་ཏུ་གྲགས།། རྣམ་པར་དག་པ་ཁྲག་འཐུང་ལྔ།། ལོ་ནི་བཅུ་དྲུག་ལོན་པ་ཡི།། ལུས་འདྲ
215b4 ཁྲོས་པའི་ལྟ་སྟངས་མཛད།། གཡོན་གྱི་དང་པོ་མེ་དཔུང་སྟེ།། བར་པ་ཁ་ཊྭཱཾ་རྩེ་གསུམ་འཛིན།། གཡས་ན་རྡོ་རྗེ་ནག་པོ་སྟེ།། བར་བ་རྩེ་ལྔ་ཐུགས་ཀར་བསྟན།། ཐ་མ་རི་རབ་ཕུར་པ་བསྟན།། ཧཱུཾ་ཕཊ་སྒྲོག་པའི་བདག་ཉིད
215b5 ཅན།། མགོན་པོ་དུར་ཁྲོད་ཁྲག་རློན་གསོལ།། ཁྲོ་རྒྱལ་ཁྲག་འཐུང་བཅུས་བསྐོར་ཞིང་།། མི་བཟད་གར་ཟབས་རོལ་པའི་ཚུལ།། ཤེས་རབ་རྡོ་རྗེ་རྒྱས་འདེབས་ནི།། ཆགས་པའི་ཚུལ་འཛིན་ཡབ་ལ་འཁྱུད།། གཡས་པ་ལྔ
215b6 མིན་རཀྟ་སྟོབ།། ཕྱག་དྲུག་ཞལ་གསུམ་འཇིགས་པའི་གཟུགས།། ཧཱུཾ་གསལ་ལྷ་ཡི་འཁོར་ལོ་རྫོགས།། ཞབས་འོག་དབང་ཕྱུག་ཆེན་པོ་མནན།། ངེས་པར་རྣམ་པར་རྫིས་པའོ།། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད
iiif viewer powered by OpenSeadragon
