| e-texts navigator |
| Wylie |
215a1 ཕུར་པ་ཞེ་སྡང་ཡོངས་སུ་དག་པའི་རྒྱུད་ལས་སྔགས་ཀྱི་ལེའུ་སྟེ་གཉིས་པའོ།། །། དེ་ནས་ཁྲག་འཐུང་འབར་བའི་ལེའུ་བཤད་པར་བྱ་སྟེ། དང་པོ་བྱམས་པ་བསྒོམ་བྱས་ཏེ།། གཉིས་པ་སྙིང་རྗེ་རྣམ
215a2 པར་བསྒོམ།། གསུམ་པ་དགའ་བ་བསྒོམ་པ་ཉིད།། བཏང་སྙོམས་ཀུན་གྱི་མཇུག་ཏུའོ།། དེ་ནས་ཡང་ནི་འདི་ལྟར་ཏེ།། སྟོང་པའི་བདེ་བ་བྱང་ཆུབ་དང་།། གཉིས་པས་དངོས་པོ་ས་བོན་བསྡུས།། གསུམ་པས་ཁྲག་འཐུང
215a3 གཟུགས་རྫོགས་པའོ།། བཞི་པས་ཁྲོ་བོའི་དབང་པོ་དགོད།། རཾ་ནི་ཉི་མ་མངོན་དུ་བསྒོམ།། ཉི་མ་དེ་རུ་སྣ་ཚོགས་རྡོ་རྗེ་དངོས།། རྡོ་རྗེའི་དེ་ཉིད་བསྒོམ་པར་བྱ།། ར་བ་དང་ནི་ཐོག་གིས་བཅིངས།། དང་པོར་བསྒོམ་བྱ་དབང
215a4 ཕྱུག་ཆེན་པོ་ཉིད།། བློ་ལྡན་ཆོས་ཉིད་རང་བཞིན་ནོ།། རྣལ་འབྱོར་དེ་སྟེང་གནས་པ་ནི།། ཁྲག་འཐུང་འབར་བ་བསྒོམ་པར་བྱའོ།། རང་ཉིད་ཉི་མའི་སྙིང་པོ་བསྒོམ།། དངོས་པོ་དེ་ནི་ས་བོན་དཀྱིལ་འཁོར་རོ།། ཡི་གེ་ཧཱུཾ་བྱུང
215a5 འཇིགས་ཆེན་པོ།། ཤེས་རབ་རང་བཞིན་ཆེར་རྙེད་ཉིད།། ཁ་དོག་ནག་པོ་འཇིགས་ཆེན་པོ།། ཡི་གེ་ཧཱུཾ་ལས་རྡོ་རྗེ་བྱུང་།། རྡོ་རྗེ་ལྟེ་བའི་དབུས་ན་གནས།། ཧཱུཾ་ཉིད་ཡོངས་སུ་ཞུ་བ་ལས།། ཞེ་སྡང་བདག་པོར་རྣམ་པར
215a6 བསྒོམ།། ནག་པོ་ཆེན་པོ་རྡོ་རྗེ་ཀྱེ།། རྒྱན་རྣམས་ཀུན་གྱི་འཆང་བྱེད་པའི།། ལྷ་མོ་ལྔ་ཡིས་ཡང་དག་མཆོད།། ནག་མོ་ལག་ན་གཟུགས་འཛིན་མ།། ཆགས་པའི་ལག་ན་དྲི་འཛིན་མ།། འཇིགས་བྱེད་མ་ནི་སྒྲ་འཛིན་མ།། སྔོ
iiif viewer powered by OpenSeadragon
