| e-texts navigator |
| Wylie |
212b1 པའོ།། །། @#།། རྒྱ་གར་སྐད་དུ། བཛྲ་ཀི་ལ་ཡ་དྭེ་ཥ་པ་རི་ཤུདྡྷ་རཱ་ཛ་ཏནྟྲ་ནཱ་མ། བོད་སྐད་དུ། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ཀྱི་རྒྱལ་པོ་ཞེས་བྱ་བ། བཅོམ་ལྡན་འདས་དཔལ
212b2 འཇིགས་བྱེད་ཀྱི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་སོ་སོ་མ་ཡིན་པའི་རང་བཞིན་ཏེ། དེ་ཉིད་ཀྱི
212b3 ངོ་བོས་མཐའ་དབུས་མེད་པའི་གསང་བ་ནས་དྲག་པོ་ཟུར་གསུམ་སྟེ། འཇིགས་བྱེད་དྲག་པོའི་རྒྱན་མང་པོས་བཀླུབས་པ། དེ་ཉིད་རིགས་དང་རྡོ་རྗེ་དང་གྲངས་དང་རྣམ་པ་ཐམས་ཅད་ཀྱི་ཁྱད་པར་དང་ལྡན་པ། ཡེ་ཤེས་ཀྱི
212b4 ཕུར་པའི་ངོ་བོར་བཞུགས་སོ།། དེ་ལ་བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་ཡེ་ཤེས་ཀྱི་ཕུར་པ་གསང་བ་འདི་ལྟ་བུ།། ཨེ་མ་འཁོར།། ཨེ་མ་ཧེ་རུ་ཀ་ལེགས་སོ།
212b5 ལེགས་སོ།། སྙིང་རྗེ་ཆེན་པོ་བྱང་ཆུབ་སེམས་ཆེན་པོ་དམ་ཚིག་ཆེན་པོ་སྙིང་པོ་རྡོ་རྗེ་ཕུར་པ་ཞེ་སྡང་ཡོངས་སུ་དག་པ་ཞེས་བྱ་བ་ཉོན་ཅིག། ཀརྨ་ཧེ་རུ་ཀས་གསོལ་པ། བྱང་ཆུབ་སེམས་འདི་སྙིང་རྗེ་ཇི་ལྟར་འགྱུར།། རྣལ
212b6 འབྱོར་དབང་ཕྱུག་ཇི་ལྟར་ལགས།། བཅོམ་ལྡན་འདས་ཀྱིས་གསུངས་པས།། ལུས་དབུས་ཡེ་ཤེས་རོས་གང་བ།། མྱོང་བ་བྱང་ཆུབ་སེམས་སུ་བཤད།། ཕྱག་རྒྱ་ཆེ་ལ་རབ་གནས་པ།། ཐིག་ལེ་དབུས་ནས་འདྲེན་པ
iiif viewer powered by OpenSeadragon
