| e-texts navigator |
| Wylie |
212a1 འདོད་དོན་ནི་འབྱུང་བར་འབྱུང་།། སྐུ་གསུང་ཐུགས་ཀྱི་གསང་རྒྱུད་ལས།། སྔ་རབས་ད་ལྟར་སླད་ཀྱིས་འབྱོན།། སངས་རྒྱས་འདི་ལས་འབྱུང་བ་ཡིན།། རྗེས་འཇུག་ལས་ནི་དང་པོ་ཡིས།། མཐོང་ཞིང་ཟོས
212a2 ན་རྟོགས་པར་འགྱུར།། འདི་ལ་མ་ཡེངས་དམ་ཚིག་ཆེ།། རྡོ་རྗེའི་ཐུགས་ལས་རྟོགས་གྱུར་ན།། ཐུགས་ཀྱི་སྐུ་དང་ཐུགས་ཀྱི་གསུང་།། བདེ་བར་གཤེགས་པས་རབ་བསྔགས་པས།། ཡོན་ཏན་ཐམས་ཅད་འདི
212a3 ལས་འབྱུང་།། དངོས་པོར་ལྟ་བའི་གསང་སྔགས་ཀྱང་།། འདི་ཉིད་བཟུང་ཞིང་བཀླགས་སྤྱད་ན།། དམ་པ་རྣམས་ཀྱི་དམ་པའི་མཆོག། དངོས་པོ་སྒྱུ་མ་ན་བུན་མཐོང་།། ལོངས་སྤྱོད་རྫོགས་པའི་སྐུ་དང་གསུང་ཐུགས་རྡོ་རྗེའི
212a4 གཉིས་སུ་མེད་པར་བཞུགས་ཏེ། ཏིང་ངེ་འཛིན་ལས་བཞེངས་སོ།། ཕྲིན་ལས་ཀྱི་རྒྱལ་པོ་ཀརྨ་ཧེ་རུ་ཀས་ཀྱང་ཐུགས་རྡོ་རྗེ་ལ་གཉིས་སུ་མེད་པར་ཞུགས་ཏེ། གཅིག་གི་རང་བཞིན་དུ་མཉམ་ཞིང་དབྱེར་མེད་པར་གྱུར་ཏེ། མི
212a5 སྣང་བར་གྱུར་ཏོ།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ལ་གཏད་ཅིང་བཟུང་བའི་ལེའུ་སྟེ་བརྒྱད་ཅུ་གཉིས་པའོ།། །། བི་དྲོཏྟ་མ་འབུམ་སྡེའི་ནང་ནས། ཀཱི་ལ་ཡ་གསང་བའི་དགོངས་རྒྱུད་ཅེས
212a6 བྱ་བ་རྫོགས་སོ།། །། ཨུ་རྒྱན་གྱི་མཁན་པོ་པདྨ་ཐོད་ཕྲེང་དང་། མང་ཡུལ་གྱི་ལྕེ་ཀུ་ཀུ་རཱ་ཙ་དང་།། བྲང་ཏི་ཛ་ཡ་རཀྵི་ཏས་བསྒྱུར་ཅིང་གཏན་ལ་ཕབ་པའོ།། གཟུངས་མ་མཁར་ཆེན་བཟའ་ལ་གཏད
iiif viewer powered by OpenSeadragon
