| e-texts navigator |
| Wylie |
211b1 གསང་ཐུགས།། གཉིས་ལ་རེ་རེ་གདམས་ངག་ནི།། འོད་ཀྱིས་མུན་པ་སེལ་མི་སེལ།། ཐ་དད་པ་དང་ཐ་མི་དད།། རིམ་བཞིན་རིན་ཆེན་གདམས་ངག་འབྱུང་།། ཞེས་ཀཱི་ལ་ཡ་གསང་བའི་དགོངས་རྒྱུད་ལས། གཟུང་འཛིན
211b2 བཟློག་ནས་ཡང་དག་པའི་དགོངས་པ་བསྟན་པའི་ལེའུ་སྟེ་བརྒྱད་ཅུ་གཅིག་པའོ།། །། དེ་ནས་བཅོམ་ལྡན་འདས་བཛྲ་ཀཱི་ལ་ཡས། ཕྱོགས་བཅུའི་སངས་རྒྱས། ཕྲིན་ལས་ཀྱི་རྒྱལ་པོ་ཀརྨ་ཧེ་རུ་ལ་སོགས་པ་ལ།
211b3 དགོངས་རྒྱུད་གཏད་པ་ལ་བརྟན་པར་གཟུང་བའི་ཆེད་དུ་འདི་གསུངས་སོ།། ཆོས་རྣམས་ཐམས་ཅད་སྐྱེ་མེད་ལ།། རྟོག་པའི་དབང་གིས་སྡུག་བསྔལ་སྨིན།། དེ་དག་སྒྲོལ་བར་བྱ་བའི་ཕྱིར།། ལྗགས་ཀྱི་དབང་པོ་བཀྲམ
211b4 ནས་གསུངས།། རྗེས་འཇུག་རྣམས་ཀྱིས་བརྟན་པོར་ཟུང་།། འགྲོ་བ་ལས་ནི་དང་པོ་ཡིས།། དགོངས་རྒྱུད་ཡི་གེར་བྲིས་གྱུར་ནས།། ཀློག་དང་ཁ་ཏོན་བྱེད་པ་རྣམས།། སྒྲ་མེད་གནས་སུ་མི་སྐྱེ་བར།། དཀོན་མཆོག་སྒྲ
211b5 སྒྲོགས་གནས་སུ་སྐྱེ།། སྐྱེ་བ་ངན་པ་ལེན་པར་བོར།། རིམ་པས་འགྲོད་ནས་བྱང་ཆུབ་ཐོབ།། དགོངས་རྒྱུད་འདི་ལ་ཐོས་བསམ་ན།། རྗེས་འཇུག་ཐོགས་མེད་ཤེས་རབ་འགྱུར།། དགོངས་རྒྱུད་འདི་ལ་བཤད་གྱུར་ན།། སྐྱེ
211b6 བ་མ་བརྒྱུད་གནས་ལྔ་ལ།། འདི་ཡིས་འབྲས་བུ་འཕེལ་བར་འགྱུར།། དགོངས་རྒྱུད་འདི་ལ་བསྒོམ་གྱུར་ན།། ཚེ་འདི་ཉིད་ལ་ཕྱིར་མི་ལྡོག། མངོན་ཤེས་དྲུག་ནི་འཆར་བར་འགྱུར།། ཡིད་བཞིན་ནོར་བུ་རིན་ཆེན་ལ།། ཅི
iiif viewer powered by OpenSeadragon
