| e-texts navigator |
| Wylie |
211a1 མུན་པ་སེལ་འགྱུར་ཏེ།། ཕྱོགས་གཅིག་མུན་པ་སེལ་མི་འགྱུར།། འོད་ཆུང་མུན་པ་སེལ་མི་འགྱུར།། བཅུ་དྲུག་འོད་ཀྱིས་མུན་པ་སེལ།། ཐ་དད་རིན་ཆེན་རྙེད་འགྱུར་ཙམ།། དང་པོར་དེ་ལྟར་དེ་བཞིན
211a2 ནོ།། རིན་ཆེན་རང་ལས་རྟོགས་པས་རྙེད།། མུན་པའི་སྨག་ནི་ཚོན་ནག་བཞིན།། སྤྲིན་གྱིས་བསྒྲིབས་པའི་ཉི་མ་བཞིན།། རིན་ཆེན་ཐ་དད་དེ་བཞིན་ནོ།། སྤྲིན་མེད་ཉི་མ་ཤར་བའི་འོད།། ཉི་ཟེར་དྲོ་གསལ་བདེ་འབྲས
211a3 འབྱུང་།། རང་ལས་རིན་ཆེན་རྙེད་འགྱུར་ཏེ།། ཡང་གསང་ཐུགས་ལ་བདེ་འབྲས་འབྱུང་།། སྐུ་གཉིས་འགྲོ་དོན་བྱིན་རླབ་སྣང་།། འགྲོ་བ་རྣམས་ལ་བདེ་འབྲས་སྣང་།། རྒྱ་མཚོའི་ཁ་དང་རྒྱ་མཚོའི་གཏིང་།། རྐྱེན་གྱིས་དེ་ལྟར
211a4 དེ་བཞིན་དུ།། ཐ་དད་པ་དང་ཐ་མི་དད།། རིན་ཆེན་རྙེད་པ་དེ་བཞིན་ནོ།། ཡང་གསང་ཐུགས་ཀྱི་དཀྱིལ་འཁོར་ནི།། ཆོས་རྣམས་ཐམས་ཅད་སེམས་ཡིན་ཏེ།། སེམས་ཉིད་རྣམ་པར་ཤེས་པ་རྡོ་རྗེར་བསྒོམ།། ཆོས་དང་ཆོས
211a5 ཉིད་གཉིས་སུ་མེད།། ཆོས་རྣམས་ཐམས་ཅད་འཁོར་བ་དང་།། འཁོར་བ་ཉིད་ཀྱང་སེམས་ཡིན་པས།། སེམས་ཉིད་རྣམ་པར་ཤེས་པ་རྡོ་རྗེར་བསྒོམ།། འཁོར་བ་མྱ་ངན་འདས་པ་གཉིས་སུ་མེད།། ཆོས་རྣམས་ཐམས་ཅད
211a6 ཀུན་རྫོབ་སྟེ།། ཀུན་རྫོབ་ཉིད་ཀྱང་སེམས་ཡིན་ཏེ།། སེམས་ཉིད་རྣམ་པར་ཤེས་པ་རྡོ་རྗེར་བསྒོམ།། དོན་དམ་ཀུན་རྫོབ་གཉིས་སུ་མེད།། སངས་རྒྱས་སེམས་ཅན་དེ་བཞིན་ནོ།། གསང་བ་ཆེར་གསང་ཡང
iiif viewer powered by OpenSeadragon
