| e-texts navigator |
| Wylie |
210a1 བུར་གཞུག། གསང་སྔགས་བདུན་པ་བྲིས་ལ་གདགས།། གསང་སྔགས་བདུན་པ་སྦྱོར་བ་གཉིས།། དྲུག་པའི་དང་པོ་སྦྱར་བར་བྱ།། གཟས་པའི་ཐིམ་པར་བཅུག་ལ་ནི།། ཞག་ནི་ཉི་ཤུ་རྩ་གཅིག་ཏུ།། ཐུན་དུ
210a2 བྲབ་ཅིང་ལུས་ལ་བསྟིམ།། ཕོ་ཉ་དྲུག་ཅུའི་གཙོ་མོ་སྟེ།། ནམ་མཁའི་ལྷ་མོ་ཕུར་པའི་ལྷ།། ཕོ་ཉ་དྲུག་ཅུས་བླ་བཀུག་ནས།། ལག་བརྒྱ་ལྕགས་ཕུར་དཀར་ནག་མཚམས།། བདུན་པ་དྲུག་པའི་དང་པོ་ཡིས།། སྦྱོར་བ་གཉིས
210a3 དང་གསུམ་གྱིས་གདབ།། ཕུར་པའི་ལྷ་མོ་བླ་འགུགས་མ།། དཀར་མོ་དུང་གི་མཆེ་བ་ཅན།། ལག་བརྒྱ་ལྕགས་ཕུར་བརྒྱ་བསྒྲིལ་ཅིང་།། ཞལ་བརྒྱ་དྲག་སྔགས་དྲུག་དང་བདུན་པ་ཟླས་པར་བསམ།། དྲག་སྔགས་དྲུག་གི
210a4 འོད་ཟེར་སྔོན་དམར་འཕྲོས།། དུང་གི་སྤྱང་མོ་མགོ་དགུ་ཡིས།། གཟས་པའི་དོན་སྙིང་འདྲུ་བར་བསམ།། ག་བུའི་ནང་དུ་བཏབ་སྟེ་མནན།། ཕྲིན་ལས་མ་གྲུབ་འདི་ཡིས་སྤོགས།། དགུག་བསྟིམ་མ་ཁུགས་འདི་ཡིས
210a5 སྤོགས།། བླ་ཕུར་མ་ཐེབས་འདི་ཡིས་ཐེབས།། བླ་ཕུར་གདབ་པའི་ག་འུར་མནན།། བླ་ཕུར་དྲུག་ཅུ་ཕོ་ཉར་བཅས།། མནན་པ་རི་རབ་རྩེ་ལ་མནན།། རླུང་རྟ་དར་བས་ཕྲིན་ལས་གསོལ།། སྤོགས་པའི་ཆོ་ག་འདི་ཡིས
210a6 ནི།། ཉི་ཤུ་གཅིག་གིས་ཐེ་ཚོམ་མེད།། ཝི་ཧི་ལི་ཝི་ཧི་ལི།། ཞེས་ཀཱི་ལ་ཡ་གསང་བའི་དགོངས་རྒྱུད་ལས། བླ་བཀུག་ཕོ་ཉ་སྤོགས་པའི་ལེའུ་སྟེ་བརྒྱད་ཅུ་པའོ།། །། དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན
iiif viewer powered by OpenSeadragon
