| e-texts navigator |
| Wylie |
209b1 ཆེན་པ་ཤའི་དྲག་སྔགས་སྒྲས།། ཞེ་སྡང་རྩད་ནས་བཅད་པའི་མཐུ།། ང་རྒྱལ་རྡོ་རྗེའི་ཕུར་པ་ཡིས།། སྟོབས་ཆེན་མ་ཏྲཾ་ཉ་ཡི་དྲག་སྔགས་ཀྱིས།། ང་རྒྱལ་རྩད་ནས་བཅད་པའི་མཐུ།། འདོད་ཆགས་རྡོ་རྗེའི་ཕུར་པ
209b2 ཡིས།། སྟོབས་ཆེན་ཀ་རིའི་དྲག་སྔགས་ཀྱིས།། འདོད་ཆགས་རྩད་ནས་བཅད་པའི་མཐུ།། ཕྲག་དོག་རྡོ་རྗེའི་ཕུར་པ་ཡིས།། སྟོབས་ཆེན་ཤཱི་གྷྲཾ་ཀཱ་ར་ཡི་དྲག་སྔགས་ཀྱིས།། ཕྲག་དོག་རྩད་ནས་གཅོད་པའི་མཐུ། སྐུ
209b3 གསུང་ཐུགས་ཀྱི་སྟོབས་པོ་ཆེ།། ཨི་ནན་གྱི་ནི་དྲག་སྔགས་སྒྲས།། བགེགས་ཆེན་རླག་པར་བྱེད་པའི་མཐུ།། དྷ་ཏི་མ་མའི་དྲག་སྔགས་སྒྲས།། རཱ་ཏྲ་སྡེ་གསུམ་སྒྲལ་བའི་མཐུ།། ལུས་ངག་ཡིད་གསུམ་གནས་སུ་སྒུལ་བའི
209b4 མཐུ།། ཚེ་ཡི་རྟེན་ཕྲལ་གནད་ཀྱང་གཅོད་པའི་མཐུ།། རྒྱུ་ཡི་གཙོ་བོ་རླུང་ཡིན་ཏེ།། རླུང་བགེགས་པ་ཡི་དྲག་སྔགས་འདིས།། མེ་ཆུ་ས་དང་ནམ་མཁའ་སོགས།། དེ་བཞིན་དེ་ལྟར་རིམ་བཞིན་འགག། ཚངས་པའི་ཚེ་དང
209b5 ལྡན་པ་ཡང་།། སྦྱོར་བ་གསུམ་གྱིས་འཇིག་པར་འགྱུར།། ཞེས་ཀཱི་ལ་ཡ་གསང་བའི་དགོངས་རྒྱུད་ལས། སྟོབས་ཆེན་ཁྲོ་བོའི་ལེའུ་སྟེ་བདུན་ཅུ་དགུ་པའོ།། །། དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ
209b6 འདི་སྐད་ཅེས་གསོལ་ཏོ།། བླ་འགུགས་ཕོ་ཉའི་དོན་ནི་ཇི་ལྟར་ལགས།། ཞེས་གསོལ་པས། ནག་པོའི་ཐོད་ཆེན་དག་ཏུ་ནི།། བྱ་རོག་འུག་པའི་དང་རུ་ལ།། གཟས་པའི་མིང་རུས་སྒྲོ་རྩར་གདགས།། ལྟག་སྤྲད་སྦྱར་ཏེ་ག
iiif viewer powered by OpenSeadragon
