| e-texts navigator |
| Wylie |
203a1 ཀྱི་རྒྱལ་པོས། བཅོམ་ལྡན་འདས་ལ་གསོལ་པ།། རྣལ་འབྱོར་རྗེས་སུ་འཇུག་པ་ཡིས།། ཕུར་པ་བཅངས་པའི་དོན་ནི་ཇི་ལྟར་ལགས།། ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ།། རྣལ
203a2 འབྱོར་རྗེས་སུ་འཇུག་པ་ཡིས།། རྡོ་རྗེ་ཕུར་པ་སྲས་མཆོག་ལ།། ཁྲག་དང་གུ་གུལ་སྐབས་སུ་བདུག། ཏིང་འཛིན་སྔགས་ནི་ཉིན་མཚན་དུ།། སུམ་སྟོང་སུམ་སྟོང་གདམས་ངག་སྦྱར།། རི་དྭགས་གོང་ཁུག་དག་ཏུ
203a3 གཞུག། དར་རམ་རས་ཀྱིས་དཀྲིས་ལ་སྦ།། དཔྲལ་བར་མི་བྱ་ལུས་ལ་བཅངས།། དངོས་གྲུབ་པར་ཆོད་ཚུགས་མི་འགྱུར།། རི་ལ་བཏབ་ན་རི་ཡང་སྙིལ།། བྲག་ལ་བཏབ་ན་བྲག་ཀྱང་འགྲུམ།། མཚོ་ལ་བཏབ་ན་རྒྱ
203a4 མཚོ་སྐེམ།། ཆུ་བྲན་རྣམས་ལ་བཏབ་ན་སྐམ་པར་འགྱུར།། བསྲུང་བར་བཏབ་ན་ཐུབ་པར་འགྱུར།། བསྡིག་ན་བྲེད་ཅིང་གཟིར་བ་དང་།། གདབ་དང་མངགས་དང་སྡིགས་ལ་སོགས།། དགྲ་བགེགས་གཞན་ལྟ་སྨོས་ཅི
203a5 དགོས།། བཏབ་ན་ལྷ་ཡང་རླག་པར་འགྱུར།། དངོས་གྲུབ་མྱུར་དུ་ཐོབ་པར་འགྱུར།། དེ་ཡི་ཡོན་ཏན་བསམ་མི་ཁྱབ།། ཅེས་ཀཱི་ལ་ཡ་གསང་བའི་དགོངས་རྒྱུད་ལས།། སྲས་མཆོག་ཕུར་པ་བཅངས་པའི་དོན་གྱི་ལེའུ་སྟེ
203a6 བདུན་ཅུ་གཅིག་པའོ།། །། དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་གསོལ་པ།། ཕུར་པ་བཅངས་པའི་དོན་ནི་དེ་ལགས་ན།། དགོངས་རྒྱུད་བཅངས་པའི་དོན་ནི་ཇི་ལྟར་ལགས།། ཞེས་གསོལ
iiif viewer powered by OpenSeadragon
