| e-texts navigator |
| Wylie |
202b1 འཁོར་ནས།། པདྨ་འདུས་པའི་སྲས་མཆོག་ཀཱི་ལ་ཡ།། འདོད་ཆགས་བདུད་འདུལ་ཁྲོས་པའི་རྒྱལ་པོ་དབྱིངས་ནས་བཞེངས།། འདོད་ཆགས་ཆེན་པོས་འདོད་ཆགས་འཇོམས་མཛད་ལྷ་ལ་ཕྱག་འཚལ་བསྟོད།། གྲུ
202b2 གསུམ་ལྡང་ནག་འབར་བའི་དཀྱིལ་འཁོར་ནས།། ཀརྨ་འདུས་པའི་སྲས་མཆོག་ཀི་ལ་ཡ།། ཕྲག་དོག་བདུད་འདུལ་ཁྲོས་པའི་རྒྱལ་པོ་དབྱིངས་ནས་བཞེངས།། ཕྲག་དོག་ཆེན་པོས་ཕྲག་དོག་འཇོམས་པའི་ལྷ་ལ་ཕྱག
202b3 འཚལ་བསྟོད།། ཕུར་པ་སྲས་མཆོག་བསྟོད་པ་ནི།། ཐུར་དུ་བསྟན་ལ་དྲག་ཏུ་གཟེར།། གདབ་པའི་སྲས་མཆོག་ཀི་ལ་ཡ།། དཱིཔྟ་ཙཀྲ་ཕུར་པའི་ལྷ།། མི་བཟད་དྲག་པོའི་ཕུར་པ་དྲུག་པོ་ཡང་།། དེ་ལྟར་དེ་བཞིན་རྗེས
202b4 སུའོ།། སྐུ་སྟོད་ཁྲོ་བོ་ཆེན་པོ་ལ།། ཞལ་གསུམ་ཕྱག་ཀྱང་དྲུག་པ་སྟེ།། ལྟེ་བ་མན་ཆད་ཆས་རྣམས་ནི།། པདྨ་རཱ་གའི་མདོག་འདྲ་བ།། དྲག་པོར་གྱུར་པའི་ཕུར་པ་སྟེ།། དགྲ་བགེགས་གཞན་ལྟ་སྨོས་ཅི་དགོས།། གདབ
202b5 དང་མངགས་དང་སྡིགས་ལ་སོགས།། བཏབ་ན་ལྷ་ཡང་བརླག་པར་འགྱུར།། རྟག་ཏུ་མཆོད་ཅིང་བཅངས་གྱུར་ན།། སྐུ་དང་གསུང་དང་ཐུགས་ཀྱི་སྟོབས།། སྟོབས་ཆེན་ཁྲོ་བོར་བདག་གྱུར་ནས།། གཉེན་པོ་སྟོབས
202b6 ཀྱིས་འཇིགས་ལས་ཐར།། དེ་ཡི་ཡོན་ཏན་བསམ་མི་ཁྱབ།། ཅེས་ཀི་ལ་ཡ་གསང་བའི་དགོངས་རྒྱུད་ལས། སྲས་མཆོག་ཕུར་པ་ལ་མོས་པ་བསྟོད་པའི་དོན་གྱི་ལེའུ་སྟེ་བདུན་ཅུ་པའོ།། །། དེ་ནས་ཕྲིན་ལས
iiif viewer powered by OpenSeadragon
