| e-texts navigator |
| Wylie |
200b1 པ་བརྒྱད་ཀྱི་མགོ་བཅད་ནས།། སེ་རལ་ཁ་རུ་བརྒྱན་པ་ཡིན།། ཕྲག་དོག་ལམ་དུ་ཞུགས་ནས་ནི།། ཕྲག་དོག་མ་སྤངས་གནས་སུ་དག་པའི་ཕྱིར།། ཕྲག་དོག་མི་ཡི་ལྤགས་བཤུས་ནས། སྐུ་ལ་ཞིང་ཆེན་གཡང་གཞིས
200b2 བརྒྱན་པ་ཡིན།། སྣང་སྲིད་ཐུགས་རྗེས་སྣུམ་པའི་ཕྱིར།། ཞག་གི་ཟོ་རིས་སྐུ་ལ་བརྒྱན་པ་ཡིན། སྣང་སྲིད་ཐུགས་རྗེས་ཆགས་པ་མི་གཏོང་ཕྱིར།། རཀྟའི་ཐིག་ལེས་སྐུ་ལ་བརྒྱན་པ་ཡིན།། ཕྲིན་ལས་རྣམ་བཞི་རྫོགས
200b3 པའི་མཐར་ཕྱིན་ཕྱིར།། ཐལ་ཆེན་ཚོམ་བུས་སྐུ་ལ་བརྒྱན་པ་ཡིན།། དུས་གསུམ་འབྱུང་བའི་སངས་རྒྱས་ཡིན་པའི་ཕྱིར།། ཐོད་པ་སྐམ་རློན་ར་རིའི་ཕྲེང་བ་ཡིས།། དབུ་རྒྱན་སེ་རལ་ཁ་རུ་བརྒྱན་པ་ཡིན།། དྲེགས
200b4 པ་ཐམས་ཅད་དབང་དུ་སྡུད་པའི་ཕྱིར།། བརྐྱང་བསྐུམ་ཚུལ་གྱིས་ལྷ་ཆེན་ཕོ་མོ་གདན་དུ་བཏིང་བ་ཡིན།། འཁོར་བའི་བག་ཆགས་གཏིང་ནས་སྲེག་པའི་ཕྱིར།། སྐུ་ལ་བསྐལ་པའི་མེ་དཔུང་འབར་བ་ཡིན།། དེ་འདྲ
200b5 ཁྲོ་བོ་འཇིགས་ཚུལ་བསྟན་ལ་ཕྱག་འཚལ་བསྟོད།། དཔའ་བོ་ཁྱོད་ལ་ཕྱག་འཚལ་བསྟོད།། སྒེག་ཆེན་ཁྱོད་ལ་ཕྱག་འཚལ་བསྟོད།། བདུད་འདུལ་ཁྱོད་ལ་ཕྱག་འཚལ་བསྟོད།། སྲིད་གསུམ་འཇོམས་པའི་ལྷ་ལ་ཕྱག
200b6 འཚལ་བསྟོད།། གསང་བ་ཆེར་གསང་ཡང་གསང་ཐུགས།། སྒོམ་པའི་ཁོག་དང་དགོང་པའི་དོན།། ཕྱོགས་ཀྱི་དོན་དང་ལྡན་བསྟོད་ན།། མཐུ་འཕྲོག་དགུག་དང་བསྟིམ་པ་དང་།། གདབ་དང་གནན་བསྲེག་འཕང་བ
iiif viewer powered by OpenSeadragon
