| e-texts navigator |
| Wylie |
200a1 འབྲུག་སྟོང་ལྡིར་བ་ཡིན།། ཐུགས་རྗེའི་སྤྲུལ་པ་ཕྱོགས་བཅུར་འགྱེད་པའི་ཕྱིར།། དབུ་སྐྲ་རལ་པ་ཁམ་ནག་ཕྱོགས་བཅུར་འཁྱིལ་བ་ཡིན།། ཕྱག་དྲུག་གཡས་ཀྱི་དང་པོའི་ཕྱག་མཚན་ནི།། རྡོ་རྗེ་རྩེ་དགུས
200a2 ས་དགུའི་རྟོག་པ་འཇོམས།། ཕྱག་དྲུག་གཡས་ཀྱི་བར་པའི་ཕྱག་མཚན་ནི། རྡོ་རྗེ་རྩེ་ལྔས་རྒྱུད་ལྔ་རབ་ཏུ་སྒྲོལ།། ཕྱག་དྲུག་གཡོན་གྱི་དང་པོའི་ཕྱག་མཚན་ནི།། མེ་དཔུང་འབར་བས་ཉོན་མོངས་ཁམས་གསུམ
200a3 བསྲེག། ཕྱག་དྲུག་གཡོན་གྱི་བར་མའི་ཕྱག་མཚན་ནི།། ཁ་ཊྭཱཾ་རྩེ་གསུམ་དུག་གསུམ་རྩད་ནས་གཅོད།། ཕྱག་དྲུག་གཡས་གཡོན་ཐ་མའི་ཕྱག་མཚན་ནི།། རི་རབ་ཕུར་བུས་ཁམས་གསུམ་དབང་དུ་སྡུད་པ་ཡིན།། བཛྲ
200a4 ཀུ་མཱ་ར་ཡི་རྒྱན་གྱི་ཆ་ལུགས་ནི།། གཏི་མུག་ལམ་དུ་ཞུགས་ནས་ནི།། གཏི་མུག་གནས་སུ་དག་བྱའི་ཕྱིར།། གླང་ཆེན་དག་གི་ལྤགས་བཤུས་ནས།། སྐུ་སྟོད་གླང་ཆེན་ན་བཟའ་གསོལ་བ་ཡིན།། ཞེ་སྡང་ལམ་དུ་ཞུགས
200a5 ནས་ནི།། ཞེ་སྡང་གནས་སུ་དག་པའི་ཕྱིར།། ཞེ་སྡང་སྦྲུལ་གྱི་ཆུན་པོ་ནི།། རྒྱལ་རིགས་རྗེའུ་རིགས་དམངས་རིགས་གདོལ་པའི་རིགས།། དབུ་རྒྱན་མགུར་ཆུ་སྙན་ཆ་ཕྱག་གདུབ་ཞབས་གདུག་རྒྱན་གྱིས་བརྒྱན་པ
200a6 ཡིན།། ང་རྒྱལ་གནས་སུ་དག་བྱའི་ཕྱིར།། ང་རྒྱལ་སྟག་གི་ལྤགས་བཤུས་ནས།། སྐུ་སྨད་སྟག་གི་ཤམ་ཐབས་གསོལ་བ་ཡིན།། འདོད་ཆགས་ལམ་དུ་ཞུགས་ནས་ནི།། འདོད་ཆགས་གནས་སུ་དག་པའི་ཕྱིར།། དྲེགས
iiif viewer powered by OpenSeadragon
