| e-texts navigator |
| Wylie |
19a1 མཛད།། ཀརྨ་དྷ་ར་མ་ཧཱ་ཀྲོ་དྷི་ཤྭ་རཱི་ཛ་ལ་ནི་ཧཱུཾ་ཕཊ། རྡོ་རྗེ་ཐལ་མོ་ཕན་ཚུན་བསྣོལ།། གུང་མོ་རྩེ་སྤྲད་བསྒྲེང་བྱས་ཏེ།། རྩེ་མོ་དྲིལ་བུ་འཛིན་པའི་ཚུལ།། སེང་གདོང་མ་ཡི་ཕྱག་རྒྱ་ཡིན།། སྔགས་དང
19a2 ཕྱག་རྒྱ་འདི་ཡིས་ནི།། དེ་བཞིན་གཤེགས་པ་མཉེས་མཛད་འགྲོ་དོན་ཀུན་ལ་སྙོམས།། ཞེས་རྒྱལ་བ་རྣམས་ཀྱི་སྔགས་དང་ཕྱག་རྒྱའི་ངོ་བོ་དང་། ཡོན་ཏན་རྣམ་པར་བཤད་དོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ
19a3 ལས། སྔགས་དང་ཕྱག་རྒྱ་རྣམ་པར་སྤྲོས་པའི་ལེའུ་སྟེ་ལྔ་པའོ།། །། དེ་ནས་ཡང་རྡོ་རྗེ་འཛིན་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་མའོ་བདེ་གཤེགས་བཅོམ་ལྡན་འདས།། སངས་རྒྱས
19a4 ཡབ་གྱུར་དམ་པའི་བདག། བདག་ལ་སོགས་པའི་འཁོར་རྣམས་ལ།། དབང་སྐུར་བྱིན་རླབས་ཚུལ་བཞིན་མཛོད།། ཅེས་བསྐུལ་བ་མཁྱེན་ཏེ། བཅོམ་ལྡན་འདས་ཀྱིས།། ཧཱུཾ་ཧཱུཾ་ཧཱུཾ་ཞེས་བརྗོད་དེ། འཁོར་གྱི་དཀྱིལ
19a5 འཁོར་དེ་དག་དང་གཞལ་ཡས་ཁང་ཉིད་ཀྱི་ཐུགས་ཀར་བསྡུ་བ་མཛད་དེ། རྒྱུན་ལམ་དང་གཤེགས་ཤུལ་ནས་ཡུམ་གྱི་བྷ་གའི་བསྟིམ་གནས་སུ་འཁྱིལ་བ་ལས། ཐམས་ཅད་ལྷག་པའི་བྱང་ཆུབ་ཀྱི་སེམས་ཆེན་པོར
19a6 གནས་པར་མཛད་དོ།། དེ་ནས་ཧཱུཾ་ཧཱུཾ་མ་ཧཱ་ག་ཎ་ས་མ་ཡ་ཧོ།། ཞེས་པའི་སྒྲ་བརྗོད་ཅིང་། ཡབ་ཡུམ་ཉིད་ཀྱང་ཆགས་པ་ཆེན་པོའི་ཆོས་ཉིད་བྱང་ཆུབ་སེམས་སུ་གནས་པ་ལས། ཆོ་འཕྲུལ་གྱི་སྒྲ་རུ་ཧཱུཾ་ཧཱུཾ་ཞེས་བསྒྲག་ནས།
iiif viewer powered by OpenSeadragon
