| e-texts navigator |
| Wylie |
199b1 འཚལ་དངོས་གྲུབ་མྱུར་དུ་ཐོབ་པའི་ལེའུ་སྟེ་དྲུག་ཅུ་བདུན་པའོ།། །། དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་གསོལ་པ།། ཕྱག་འཚལ་དོན་ནི་དེ་ལགས་ན། དགོངས་དོན་གསུམ་ལ་མོས
199b2 པའི་སྒོ་ནས་བསྟོད་པས། དངོས་གྲུབ་མྱུར་དུ་ཐོབ་པའི་དོན་ཇི་ལྟར་ལགས།། ཞེས་གསོལ་པས། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། རྣལ་འབྱོར་རྗེས་སུ་འཇུག་པ་ཡིས།། དགོངས་དོན་གསུམ་ལ
199b3 མོས་བསྟོད་པ། གྲུ་གསུམ་མཐིང་ནག་འབར་བའི་དཀྱིལ་འཁོར་ནས།། བཅོམ་ལྡན་དཔལ་ཆེན་རྡོ་རྗེ་གཞོན་ནུ་ནི།། སྐུ་མདོག་མཐིང་ནག་འཇིགས་པའི་ཚུལ་བསྟན་པ།། ཞལ་གསུམ་ཕྱག་དྲུག་ཞབས་བཞིར
199b4 བགྲད།། གཡས་དཀར་གཡོན་དམར་དབུས་མཐིང་ཞལ།། ཆོས་དང་ལོངས་སྤྱོད་སྦྲུལ་སྐུའི་རྟགས།། ཉོན་མོངས་བག་ཆགས་ཐམས་ཅད་ཞལ་དུ་རྔུབ་པའི་ཕྱིར།། ཞལ་ནས་ཁྲག་གི་རྦ་ཀློང་འཁྱིལ་བ་ཡིན།། དུག
199b5 གསུམ་རྩད་ནས་གཅོད་པའི་ཕྱིར།། མཆེ་བ་ཟང་ཡག་གཙིགས་པ་ཡིན།། བག་ཆགས་འཐོར་ཞིང་གཡེང་བའི་ཕྱིར།། ཤངས་ནས་རླུང་ནག་འཚུབས་མ་འཐོར་བ་ཡིན།། ཉོན་མོང་བག་ཆགས་སྲེག་པའི་ཕྱིར།། སྤྱན
199b6 ནས་མེ་ཡི་ཕུང་པོ་འབར་བ་ཡིན།། ཕྲིན་ལས་ཐོགས་པ་མེད་པར་མཛད་པའི་ཕྱིར།། སྨིན་མཚམས་ཁྲོ་གཉེར་གློག་ཏུ་འགྱུ་བ་ཡིན།། ཁམས་གསུམ་སྲིད་གསུམ་ཟིལ་གྱིས་གནོན་པའི་ཕྱིར།། སྙན་ནས་བསྐལ་པའི
iiif viewer powered by OpenSeadragon
