| e-texts navigator |
| Wylie |
199a1 དབྱེར་མེད་བཞིན།། མོས་པའི་བསྙེན་བཀུར་དབུ་ལ་བཀོད།། ཕྱོགས་བཅུའི་རིགས་ཀྱི་གཙོ་ལ་ཕྱག་འཚལ་ལོ།། ཞེ་སྡང་ཚུལ་གྱིས་ཞེ་སྡང་འཇོམས་མཛད་པ།། རྡོ་རྗེ་གཞོན་ནུའི་སྐུ་ལ་ཕྱག་འཚལ
199a2 བསྟོད།། འདོད་ཆགས་ཚུལ་གྱིས་འདོད་ཆགས་གནས་སུ་དག། འཁོར་བ་རྒྱས་འདེབས་སྐུ་ལ་ཕྱག་འཚལ་བསྟོད།། རྨོངས་བྱེད་ཟ་བྱེད་ཆེ་འཕེལ་རྒྱས་འདེབས་མ།། གསང་བའི་ཡུམ་བཞི་ལ་ཡང་ཕྱག་འཚལ
199a3 བསྟོད།། ཐུགས་རྗེས་དྲག་སྙེམས་གདུག་པ་འདུལ་མཛད་པ།། འཇིགས་བྱེད་ཁྲོ་བོ་བཅུ་ལ་ཕྱག་འཚལ་བསྟོད།། ཁྲོ་བོའི་ཆགས་པ་ཐུགས་དམ་སྐོང་མཛད་མ།། འཇིགས་བྱེད་སྲིན་མོ་བཅུ་ལ་ཕྱག་འཚལ་བསྟོད།། ཕོ
199a4 ཉ་ཐོགས་པ་མེད་པར་རྒྱུག་པ་ཡི།། ཕྲ་ཐབས་ཉི་ཤུའི་ཚོགས་ལ་ཕྱག་འཚལ་ལོ།། དངོས་གྲུབ་བར་ཆད་དགྲ་བགེགས་འདུལ་བའི་ཕྱིར།། ཁྲོ་རྒྱལ་འདུས་པའི་སྲས་མཆོག་ཀཱི་ལ་ཡ།། ཡོན་ཏན་རྫོགས་པའི་སྐུ་ལ་ཕྱག
199a5 འཚལ་ལོ།། ནམ་མཁའི་ལུས་ཅན་གར་ཡང་ཐོགས་པ་མེད།། འདོད་པ་སྣ་ཚོགས་སྒྱུར་བའི་འཕྲུལ་མོ་ཆེ།། ཕྱི་ནང་མཁའ་འགྲོའི་ཚོགས་ལ་ཕྱག་འཚོལ་ལོ།། རྣལ་འབྱོར་དངོས་གྲུབ་དོན་འདོད་པ།། དགོངས་དོན
199a6 གསུམ་གྱིས་བདེ་གཤེགས་ལ།། གསང་བ་ཆེར་གསང་ཡང་གསང་ཐུགས།། མོས་པའི་སྒོ་ནས་གདམས་ངག་གིས།། ཕྱག་བཙལ་དངོས་གྲུབ་མྱུར་དུ་ཐོབ།། ཅེས་ཀཱི་ལ་ཡ་གསང་བའི་དགོངས་རྒྱུད་ལས། མོས་སྒོ་ཕྱག
iiif viewer powered by OpenSeadragon
