| e-texts navigator |
| Wylie |
198a1 རྒྱུད་ལས། སྐུ་ཕྱག་རྒྱ་ཆེན་པོ་བསྒོམ་པས། སངས་རྒྱས་ཀྱི་དགོངས་པ་ལོངས་པའི་ལེའུ་སྟེ་དྲུག་ཅུ་ལྔ་པའོ།། །། དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་གསོལ་པ། རྣལ
198a2 འབྱོར་རྗེས་སུ་འཇུག་པ་ཡིས།། བདེ་བར་གཤེགས་པ་ཐམས་ཅད་ལ།། ལོངས་སྤྱོད་ཚོགས་འབུལ་ཇི་ལྟར་བགྱི།། འདི་ཡི་དོན་རྣམས་བཤད་དུ་གསོལ།། ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ
198a3 པ།། རྣལ་འབྱོར་རྗེས་སུ་འཇུག་པ་ཡིས།། གསང་བ་ཆེར་གསང་ཡང་གསང་ཐུགས།། བསྒོམ་པའི་ཁོག་གསུམ་དགོངས་དོན་སྦྱར།། ཀུན་ཏུ་བཟང་མོ་ཡུམ་གྱི་བྷ་ག་ལ།། རཀྟ་ཆགས་པ་ཆེན་པོ་མཚོ་ལྟར
198a4 འཁྱིལ།། དཔལ་ཆེན་རྡོ་རྗེ་གཞོན་ནུ་དབྱིངས་ནས་བཞེངས།། ཡུམ་ཆེན་འཁོར་བ་རྒྱས་འདེབས་སྐུ་ལ་འཁྲིལ།། ཕྱོགས་བཅུའི་ཁྲོ་རྒྱལ་ཚོགས་ནི་སྤྲིན་ལྟར་གཏིབས།། པྲ་ཐབས་ཡང་སྦྲུལ་ཚོགས་ནི་སྐར་ལྟར
198a5 འཁྲུག། ཅི་བགྱི་བཀའ་ཉན་ཚོགས་ནི་གློག་ལྟར་འགྱུ།། དམ་ཅན་རྨྱ་མཚོའི་ཚོགས་ནི་མུན་ལྟར་གཏིབས།། ཐུགས་དམ་དབྱིངས་ནས་བཞེངས་ཏེ་གཤེགས་སུ་གསོལ།། སྲིད་པའི་ཕུར་བུ་བསྒྲུབ་སོགས
198a6 ནས།། གཤེགས་སུ་གསོལ་བའི་བར་གྱིས་ནི།། བསྒོམ་པའི་ཁོག་གསུམ་དགོངས་དོན་སྦྱར།། ལོངས་སྤྱོད་ཚོགས་ཀྱི་ཞལ་ཟས་རི་ལྟར་སྤུངས།། ཞིང་ཆེན་གསར་རྙིང་ཚོགས་ནི་བྱེ་ལྟར་བཀྲམ།། མཱཾ་ས་ཙིཏྟའི་ཚོགས་ནི
iiif viewer powered by OpenSeadragon
