| e-texts navigator |
| Wylie |
197b1 ཆེན་པོ་བསྒོམ་པ་ལས།། རུ་ཏྲ་དང་ནི་དམ་སྲིར་སྐྱེ་བ་དེ་ལགས་ན།། རྣལ་འབྱོར་རྗེས་སུ་འཇུག་པ་རྣམས།། ལྷ་སྐུ་ཕྱག་རྒྱ་ཆེན་པོ་བསྒོམ་པ་ཡིས།། སངས་རྒྱས་དགོངས་པ་བླང་བའི་དོན་ཇི་ལྟར་ལགས།། ཞེས་གསོལ
197b2 པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། རྣལ་འབྱོར་རྗེས་སུ་འཇུག་པ་རྣམས།། སངས་རྒྱས་དགོངས་པ་བླང་བའི་དོན།། ལྷ་སྐུ་ཕྱག་རྒྱ་ཆེན་པོར་བསྒོམ།། རྒྱུད་དང་ལུང་དང་མན་ངག
197b3 དང་།། བསྐྱེད་དང་རྫོགས་དང་རྫོགས་པ་ཆེ།། གསང་བ་ཆེར་གསང་ཡང་གསང་ཐུགས།། གཅིག་ལ་གསུམ་རྫོགས་མ་རྟོགས་པར།། མུན་མདའ་བཞིན་དུ་ཕྱོགས་ཚོད་ཀྱིས།། སངས་རྒྱས་དགོངས་པ་ལོངས་མི
197b4 འགྱུར།། དང་པོར་ཤེས་རབ་རྣམ་གསུམ་གྱིས།། གཏན་ཚིགས་དོན་ལ་ཕེབས་པར་དཔྱད།། དེ་ནས་བླ་མ་དམ་པ་ལས།། གདམས་ངག་རིན་ཆེན་ཐོབ་བྱས་ལ།། ཐབས་མང་ཐབས་ཆེན་ཐབས་མཁས་ཐབས་མྱུར
197b5 བས།། ཐབས་ཀྱི་སྤྱོད་པས་འགྲོ་དོན་དུ།། ཚད་མེད་བཞི་ནི་སྔོན་དུ་འགྲོ།། བྱམས་དང་སྙིང་རྗེས་གང་འདུལ་བས།། སངས་རྒྱས་དགོངས་པ་ལོངས་པར་བྱ།། སངས་རྒྱས་ཕྲིན་ལས་རྫོགས་མཛད་ནས།། སངས་རྒྱས
197b6 དགོངས་པ་ལོངས་པ་དང་།། དབང་དང་དངོས་གྲུབ་འབྱུང་བ་ཡིན།། སངས་རྒྱས་དགོངས་པ་ལོངས་པ་ལ།། ལྔ་བཅུ་གཅིག་ནས་ལྔ་ཡི་བར།། བཞི་པོ་དག་ནས་བླང་བར་བྱའོ།། ཞེས་ཀཱི་ལ་ཡང་གསང་བའི་དགོངས
iiif viewer powered by OpenSeadragon
