| e-texts navigator |
| Wylie |
197a1 གནོན་དྲག་པོས་བརྡུང་།། འདྲེ་སྲིན་རྣམས་ཀྱང་ལྷ་རུ་བཟུང་སྟེ་བྲན་དུ་ཁོལ།། འདོང་ངོ་གཟས་པའི་ཤ་དང་ཁྲག་ལ་འདོང་།། སྲོག་ཆོད་དབུགས་ཕྲོགས་རྟགས་ནི་མྱུར་དུ་སྟོན།། མགོ་སྤྲུགས་སོ
197a2 གཙིགས་མིག་བཟློག་བྲང་བརྡུང་ཅིང་།། སངས་རྒྱས་མཛད་སྤྱོད་བོར་བས་དོན་མི་འགྲུབ།། འཇིག་རྟེན་འདི་ལ་ཕར་བས་ཚུར་གནོད་ཆེ།། ས་བོན་མེ་ཡིས་ཚིག་པ་ལ།། འབྲས་བུ་སྐྱེ་བ་ག་ལ་སྲིད།། སངས་རྒྱས
197a3 དགོངས་སྤྱོད་བོར་བ་ལས།། དངོས་གྲུབ་ཐོབ་པ་ག་ལ་སྲིད།། དེ་ཡི་རྒྱུ་མཐུན་འབྲས་བུ་འབྱུང་བ་ནི།། དམ་ལོག་དམ་སྲི་རཱུ་དྲ་གསུམ་དུ་སྨིན།། འཇིག་རྟེན་ཁམས་གསུམ་མདངས་འཕྲོག་སྲོག་གཅོད་ཅིང་། རྣལ
197a4 འབྱོར་དངོས་གྲུབ་འཕྲོག་དང་བར་ཆོད་བྱེད།། སྔོན་གྱི་ལས་དབང་བཙན་པའི་མཐུ་ཡིས་ནི།། གཅིག་ལ་སྟོང་གསུམ་ཁེངས་པར་སྤྲུལ་ནས་ནི།། ཡི་དྭགས་འདྲེ་སྲིན་མཐུ་བོ་ཆེར་གྱུར་ནས།། འཇིག་རྟེན་ཁམས་ཀྱི་སྲོག
197a5 དང་དབུགས་ཀྱི་བདག། དགེ་བའི་ཕྱོགས་ལ་དད་པའི་བར་ཆོད་བྱེད།། འཇིག་རྟེན་ཁམས་ལ་གནོད་པ་ཤ་སྟག་གོ། དེ་ཡི་རྣམ་སྨིན་དམྱལ་ཁམས་རྡོ་རྗེར་བཅུ། ཞེས་ཀི་ལ་ཡ་གསང་བའི་དགོངས་རྒྱུད་ལས། ལྷའི་སྐུ
197a6 ཕྱག་རྒྱ་ཆེན་པོ་བསྒོམ་པས།། དམ་སྲི་དམ་ལོག་རཱ་ཏྲ་གསུམ་དུ་གྱུར་པའི་ལེའུ་སྟེ་དྲུག་ཅུ་བཞི་པའོ།། ། དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ལྷའི་སྐུ་ཕྱག་རྒྱ
iiif viewer powered by OpenSeadragon
