| e-texts navigator |
| Wylie |
196b1 ལ།། དམ་ལོག་དམ་སྲི་རུ་དྲ་ཡིས།། ཡེ་ཤེས་རྩལ་འཕང་འཐོན་པོ་སྒྲིབ།། དངོས་གྲུབ་འཕྲོག་ཅིང་འཚེ་བར་བྱེད།། དགེ་བའི་བསམ་པར་བར་ཆོད་བྱེད།། ཁྲོ་བོ་ཆེན་པོའི་ཆ་ལུགས་ཀྱིས།། བར་ཆད་དྲག་ཏུ་བསྒྲལ
196b2 བར་བྱའོ།། ཞེས་ཀི་ལ་ཡ་གསང་བའི་དགོངས་རྒུད་ལས། དབང་དང་དངོས་གྲུབ་བླང་བའི་དུས་ཚོད་དང་། དམ་སྲི་བར་ཆོད་བསྒྲལ་བའི་དུས་ཀྱི་ལེའུ་སྟེ་དྲུག་ཅུ་གསུམ་པའོ།། །། དེ་ནས་ཡང་ཕྲིན་ལས་ཀྱི
196b3 རྒྱལ་པོས། བཅོམ་ལྡན་འདས་ལ་གསོལ་པ། དབང་དང་དངོས་གྲུབ་སྒྲུབ་པའི་རྣལ་འབྱོར་ལ།། དམ་སྲིད་དམ་ལོག་རུ་དྲས་པར་ཆོད་བྱེད།། འདི་ཉིད་ཅི་ལས་གྱུར་པ་ཡིན་ཞེས་གསོལ།། བཅོམ་ལྡན་འདས་ཀྱིས
196b4 བཀའ་སྩལ་པ། རྣལ་འབྱོར་རྗེས་སུ་འཇུག་པ་ལ།། འདི་ཡི་དོན་རྣམས་ངས་བསྟན་གྱི།། ལྷ་སྐུ་ཕྱག་རྒྱ་ཆེན་པོ་བསྒོམ་ལས་གྱུར།། སངས་རྒྱས་མཛད་སྤྱོད་སྔོན་དུ་མ་བཟུང་བར།། དངོས་པོ་ཁྲོ་བོའི་དཀྱིལ་འཁོར་ཆེན
196b5 པོ་བསྐྱེད།། བདེ་གཤེགས་ཡི་དམ་གཅིག་བཟུང་བདེ་གཤེགས་ཀུན་གྱི་ངང་།། ཡི་དམ་བཟང་ངན་བདེ་བར་གཤེགས་ལ་ཕྱེ།། ཆོས་ལ་ཕྱོགས་ཆར་བཟུང་བས་དམ་ལོག་ཕྱོགས་ཆད་ཉམས།། ལྟ་བ་སྒོས་ཁུར་བཅད
196b6 པས་སངས་རྒྱས་དགོངས་མ་ལོངས།། ང་ནི་ཐེག་ཆེན་ཁྲོ་བོའི་རྒྱལ་པོ་ཡིན།། སྐུ་དང་ཡན་ལག་རགས་པས་འཇིགས་པར་བསྟན།། ཏིང་ངེ་འཛིན་གྱིས་སྟོང་གསུམ་ཁེངས་པར་སྤྲུལ།། དགུག་དང་བསྟིམས་དང་གཟིར
iiif viewer powered by OpenSeadragon
