| e-texts navigator |
| Wylie |
195b1 ནུབ་པར་འགྱུར།། སྣང་བའི་ནུས་པ་ཐོབ་པས་སྣང་བ་ནུབ་པར་འགྱུར།། རྡོ་རྗེ་གཞོན་ནུའི་རིག་འཛིན་པས།། ཕྱིར་མི་ལྡོག་པའི་ས་ཡང་གནོན།། ཡིད་བཞིན་ནོར་བུ་འདྲ་ལ་ཕྱག་འཚལ་བསྟོད།། ཅེས་ཀཱི་ལ་གསང
195b2 བའི་དགོངས་རྒྱུད་ལས། བདེ་བར་གཤེགས་པ་ཞལ་མཐོང་བའི་སྣང་བའི་ནུས་པ་ཇི་ལྟར་ཐོབ་པའི་ལེའུ་སྟེ་དྲུག་ཅུ་གཅིག་པའོ།། །། དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས
195b3 གསོལ་ཏོ།། བདག་ཉིད་བདེ་བར་གཤེགས་པའི་སྐུ་གསུང་ཐུགས་སུ་བྱས་ནས་དབང་དང་དངོས་གྲུབ་སླད་ཀྱིས་ཕ་རོལ་ལས་ནོད་པའི་དོན་ཇི་ལྟར་ལགས། ཞེས་གསོལ་པ་དང་། བཅོམ་ལྡན་འདས་ཀྱིས་འདི
195b4 སྐད་ཅེས་བཀའ་སྩལ་ཏོ།། བདེ་གཤེགས་སྣང་བའི་ནུས་པ་མ་ཐོབ་པར།། སྔོན་གྱི་ཐུགས་དམ་ཐུགས་བསྐྱེད་པས།། བདེ་གཤེགས་ཐུགས་རྗེའི་བྱིན་རླབ་འབྱུང་།། མར་མེ་གཅིག་ལས་གཉིས་ཀྱི་ཚུལ།། དཔལ་བེའུ
195b5 གསུམ་བརྒྱུད་གསང་ལམ་ནས།། པདྨ་ལས་འཕྲོས་སྲས་མཆོག་བྱུང་།། གཞལ་ཡས་ཁང་ལ་ལན་གསུམ་དུ།། བསྐོར་བ་བྱས་ཏེ་ཕྱག་བྱས་ལ།། པདྨ་དབང་གི་སྒོར་ཞུགས་ལ། བསྐལ་པའི་མཐའ་ནས་བསྒྲུབས་པའི
195b6 ལྷ།། རིང་བའི་དུས་ནས་བསྙེན་པའི་ལྷ།། ཐུགས་དམ་གཅིག་ཅིང་དབྱར་དམ་སྐོང་།། སྐུ་གསུང་ཐུགས་ཀྱི་དངོས་གྲུབ་དང་།། གཉིས་སུ་མེད་པའི་དངོས་གྲུབ་སྩོལ།། མཆོད་པ་ལན་གྲངས་བརྒྱ་སྟོང་དང་།། ཁྲི་འབུམ
iiif viewer powered by OpenSeadragon
