| e-texts navigator |
| Wylie |
193b1 ཡིན།། ཆོས་ཀྱི་འཁོར་ལོ་བསྐོར་བ་ནི།། ས་བཅུའི་བྱང་ཆུབ་སེམས་ཀྱིས་ནི།། ཆོས་ཀྱི་འཁོར་ལོ་བསྐོར་བའི་དོན་རྟགས་ཡིན།། ཞིང་གི་གདུགས་དང་འཕན་གྱིས་བརྒྱན་པ་ནི།། ས་ལ་གནས་པའི་བྱང་ཆུབ་སེམས
193b2 དཔའ་ལ།། སོ་སོ་ཡང་དག་དོན་ནི་སྟོན་པའི་རྟགས།། ནང་ནི་ཐོད་པའི་གཞལ་ཡས་ཁང་།། གཟུང་འཛིན་གཉིས་དང་བྲལ་བའི་དོན་རྟགས་ཡིན།། དབུས་སུ་གྲུ་གསུམ་མཐིང་ནག་བྱུང་བ་ནི།། ཆོས་ཀྱི་དབྱིངས་ཉིད་སྐྱེ
193b3 མེད་ལ།། སྐུ་གསུང་ཐུགས་གསུམ་འབྱུང་བའི་དོན་རྟགས་ཡིན།། ཟླ་གམ་དམར་པོ་གསུམ་དུ་བྱུང་བ་ནི།། སྲིད་གསུམ་དབང་དུ་སྡུད་པའི་དོན་རྟགས་ཡིན།། འཁོར་ལོ་རྩིབས་བརྒྱད་འབྱུང་བ་ནི།། དོན་གྱི་འཁོར
193b4 ལོ་རྒྱས་པར་བསྐོར་བའི་དོན་རྟགས་ཡིན།། དབུས་ཀྱི་ཕོ་བྲང་ཟླུམ་པོ་འབྱུང་བ་ནི།། སྐྱེ་མེད་ལྷུན་གྱིས་གྲུབ་པའི་དོན་རྟགས་ཡིན།། དཀར་པོ་ཟླུམ་པོ་བྱུང་བ་ནི།། ཞི་བ་ཆེན་པོའི་དོན་རྟགས་ཡིན།། སེར་མོ་གྲུ
193b5 བཞི་བྱུང་བ་ནི།། རྒྱས་པ་ཆེན་པོའི་དོན་རྟགས་ཡིན། རྡོ་རྗེ་ར་བས་བསྐོར་བ་ནི།། ཐུགས་ནི་ཡང་དག་དོན་རྟགས་ཡིན།། ཞེས་ཀཱི་ལ་ཡ་གསང་བའི་དགོང་རྒྱུད་ལས། དཀྱིལ་འཁོར་གཞལ་ཡས་ཁང་གི་དོན་རྟགས་ཀྱི
193b6 ལེའུ་སྟེ་ལྔ་བཅུ་དགུ་པའོ།། །། དེ་ནས་ཕྲིན་ལས་ཀྱི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དཀྱིལ་འཁོར་གཞལ་ཡས་ཁང་གི་དོན་རྟགས་དེ་ལགས་ན།། འོད་ཟེར་བསྐུལ་བའི་དོན་རྟགས་ཇི
iiif viewer powered by OpenSeadragon
