| e-texts navigator |
| Wylie |
192b1 གང་འདུལ་བ།། སངས་རྒྱས་ཕྲིན་ལས་རྫོགས་མཛད་ནས།། བུདྡྷའི་མཛད་སྤྱོད་ཕྲིན་ལས་ནི།། ཚད་མེད་བཞི་ནི་སྔོན་དུ་འགྲོ།། ཐེག་པ་ཆེན་པོར་མི་ཚུད་བཞིན།། བྱ་བ་སྤྱོད་པ་རྣལ་འབྱོར་དང་།། ཐབས་ཆེ་ཐབས
192b2 མང་ཐབས་མཁས་དང་།། ཐབས་མྱུར་ཆོ་གའི་རིམ་པའོ།། རྡོ་རྗེ་གཞོན་ནུའི་རིག་འཛིན་རྣམས།། སྲིད་པ་རྡོ་རྗེ་གྲུབ་མཛོད་ཅིག། སྲིད་པ་རྡོ་རྗེ་ཕུར་པའི་ལྷ།། ཡེ་ཤེས་ཁྲོ་བོ་གྲུབ་པར་མཛོད།། འདོད་པའི་བྱ་བ་དོན
192b3 གྲུབ་གསོལ་གདབ་པ།། ལོངས་སྐུ་གཉིས་ཐིམ་སྲིད་པའི་ལྷ།། དབབ་པའི་ཆོ་གའི་རིམ་པའོ།། བཛྲ་ཡཀྵ་ཀྲོ་ཏ་ཁཱ་ཧི། རྩ་བ་གུ་ཡ་མནྟ་ལ།། མཆོད་པའི་བྱེ་བྲག་ཐམས་ཅད་ཀྱིས།། འདོད་བྱ་གཉིས་སུ་དབུལ
192b4 བར་བྱའོ།། མཆོད་པའི་ཆོ་གའི་རིམ་པའོ།། ཞེས་ཀཱི་ལ་ཡ་གསང་བའི་དགོངས་རྒྱུད་ལས།། ཐབས་དམན་པ་ལ་བསྙེགས་པའི་དངོས་གྲུབ་མྱུར་དུ་ཐོབ་པའི་ཆོ་གའི་རིམ་པའི་ལེའུ་སྟེ་ལྔ་བཅུ་བརྒྱད་པའོ།། །། དེ
192b5 ནས་ཡང་ཕྲིན་ལས་ཀྱི་རྒྱལ་པོས།། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཆོ་གའི་རིམ་པ་དེ་ལགས་ན།། གཞལ་ཡས་ཁང་དུ་གསལ་བ་ཡི།། འདི་ཡི་དོན་རྟགས་ཇི་ལྟར་ལགས།། ཞེས་གསོལ་པས། བཅོམ
192b6 ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། གཞལ་ཡས་གསལ་བའི་དོན་རྟགས་ནི།། གཞལ་ཡས་གྲུ་བཞིར་འབྱུང་བ་ནི།། ཚད་མེད་བཞི་ཡི་དོན་རྟགས་ཡིན།། ཕྱོགས་བཞིར་སྒོ་བཞི་འབྱུང་བ་ནི།། རྣམ་ཐར
iiif viewer powered by OpenSeadragon
