| e-texts navigator |
| Wylie |
190b1 མཚོན།། གཉེན་པོ་མེད་པས་ཡེ་ནས་བསྲེགས།། ཀུན་གཞི་ཀུན་བཟང་ནམ་མཁའི་དཀྱིལ།། ཡིད་ནི་སྣང་སྲིད་ཡེ་ནས་ཐིགས་པ་ཤར།། ལུས་དང་ཡན་ལག་ཚུལ་དུ་སྲོག་གི་གོ་རུ་ཤར།། ཀུན་གཞི་སྟོང་པ་སྙིང་གི
190b2 དཀྱིལ་དུ་བསྒོམ་པར་བྱ།། དམ་ཚིག་ཀུན་ཏུ་བཟང་མོ་ཡིས།། ཡིད་ནི་སྙིང་རྗེ་ཐུགས་སུ་བསྒྲལ།། ཀུན་ཏུ་བཟང་པོ་ཡབ་ཡུམ་ཐུགས།། རོལ་བསད་མནན་པ་མ་ཡིན་ནོ།། སྣང་སྲིད་ལུས་ངག་ཡིད་གསུམ་ཕུང་པོ
190b3 ནི།། ཀུན་གཞི་ཀུན་ཏུ་བཟང་མོ་རྡོ་རྗེར་གཏམས།། རྣམ་པར་ཤེས་པ་ཡིད་ནི་ཀུན་ཏུ་བཟང་།། ཀུན་གཞི་ཀུན་ཏུ་བཟང་མོ་རྡོ་རྗེ་དབྱེར་མེད་བསྒོམ།། སྲིད་པ་ཡེ་ནས་ཕུར་བུ་རུ།། ཡང་གསང་ཐུགས་སུ་རྟོགས་པས
190b4 བསྒྲུབ།། ཡང་གསང་ཕུར་བུ་རྟོགས་པས་དབང་དང་དངོས་གྲུབ་བླངས།། རང་གི་སེམས་ཉིད་རྟོགས་པས་ཡེ་ཤེས་ཁྲོ་བོ་དག། རང་ལ་རང་ཉིད་སྤྱན་དྲངས་དྲང་དུ་མེད།། གཞན་ནས་སྤྱན་དྲང་མེད་པར་སེམས་ཉིད
190b5 རྟོགས་ནས་ནི།། རྟགས་དང་མཚན་མའི་བྱིན་རླབས་བཅུ་བཞི་འབྱུང་།། ཀི་ལ་ཡ་ཡི་དངོས་གྲུབ་མངོན་ཤེས་དྲུག་དག་འབྱུང་།། ཞེས་ཀཱི་ལ་ཡ་གསང་བའི་དགོངས་རྒྱུད་ལས། མན་ངག་ཡང་གསང་ཐུགས་ཀྱི་དཀྱིལ
190b6 འཁོར་གྱི་ལེའུ་སྟེ་ལྔ་བཅུ་ལྔ་པའོ།། །། དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། མན་ངག་ཡང་གསང་ཐུགས་ཀྱི་དཀྱིལ་འཁོར་དེ་ལགས་ན།། དམན་པ་རྣམས་ལ
iiif viewer powered by OpenSeadragon
