| e-texts navigator |
| Wylie |
188a1 ལྡན་འདས་ལ་འདི་སྐད་ཅེས་གསོལ་ཏོ།། བདེན་པ་དབྱེར་མེད་དེ་ལགས་ན། གདབ་དང་གནན་བསྲེག་འཕང་བ་འདི།། ཞེ་སྡང་ལ་སོགས་ཉོན་མོངས་ལྔ།། དེ་ཡི་ཆ་ལས་གཏོགས་གྱུར་ན།། དངོས་པོ
188a2 དབྱེར་མེད་མི་འགལ་ལམ།། ཞེས་གསོལ་པས།། བཅོམ་ལྡན་འདས་བཛྲ་ཀཱི་ལ་ཡས།། འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། རྣལ་འབྱོར་རྗེས་སུ་འཇུག་པ་ལ།། དེ་ཡི་དོན་རྣམས་ངས་བསྟན
188a3 གྱི།། ཞེ་སྡང་ལམ་དུ་ཞུགས་ནས་ནི།། ཞེ་སྡང་མ་སྤངས་གནས་སུ་དག། གཏི་མུག་ལམ་དུ་ཞུགས་ནས་ནི།། གཏི་མུག་མ་སྤངས་གནས་སུ་དག། ང་རྒྱལ་ལམ་དུ་ཞུགས་ནས་ནི།། ང་རྒྱལ་མ་སྤངས་གནས་སུ
188a4 དག། འདོད་ཆགས་ལམ་དུ་ཞུགས་ནས་ནི།། འདོད་ཆགས་མ་སྤངས་གནས་སུ་དག། ཕྲག་དོག་ལམ་དུ་ཞུགས་ནས་ནི།། ཕྲག་དོག་མ་སྤངས་གནས་སུ་དག། དེ་ལྟར་དེ་བཞིན་ལམ་ཞུགས་མ་སྤངས་གནས་སུ
188a5 དག། དངོས་མེད་བདེན་པ་དབྱེར་མེད་དོ།། རྩ་དང་ས་ཁྲག་དངས་དབུགས་དངས་དང་།། འོད་དངས་ཚེ་དངས་འབྱུང་བ་དངས།། ཞེ་སྡང་ལ་སོགས་དེ་བཞིན་རྒྱུ།། བྱང་ཆུབ་སེམས་སུ་གཉིས་མེད་བསྟན།། མ་སྤངས
188a6 གནས་སུ་དུག་ལྔ་དག། གཉེན་པོ་ལ་ནི་ལྟོས་མ་ཡིན།། དུག་ལྔ་ཁྲོ་བོའི་ཕུར་པ་ཡིས།། དུག་ལྔ་བྱང་སེམས་ཡེ་ཤེས་ལྔ།། ཞེ་སྡང་གཉེན་པོ་བྱམས་པ་ཡིན།། ཞེ་སྡང་ལ་སོགས་བདོ་བའི་དུས།། མཐོ་ཡོར་ལ་ནི་མིར
iiif viewer powered by OpenSeadragon
