| e-texts navigator |
| Wylie |
182b1 ཚོམས་དང་།། སྨད་ཀྱི་དཀྱུས་ཀྱི་སྐོར་ཚོམས་ལ།། དེ་ལ་གསུམ་གསུམ་དབྱེ་བ་ཡི།། ཏིང་འཛིན་སྔགས་དང་ཕྲིན་ལས་ཀྱི།། སྒྲ་ཡི་ཡི་གེ་བཏུ་བར་བྱ།། གདབ་དང་བསྲེག་དང་འཕང་དང་གནན།། གདམས་ངག་གི་ནི
182b2 བཏུས་ནས་ནི།། སྒྲ་ཡི་བོད་ཅིང་དགུག་པ་དང་།། སྒྲ་ཡི་གདབ་དང་བསྲེག་པ་དང་།། སྒྲ་ཡི་འཕངས་ཤིན་མནན་པ་དང་།། དགོངས་པ་རླབས་ཆེན་འཁྲུགས་པ་དང་།། ཕྲིན་ལས་ཟབ་མོ་ཐོག་བརྫིས་དང་།། བལྟ་བ
182b3 ཟབ་མོ་ཁྱབ་གད་ལ་དང་།། བསྒོམས་པའི་ཁོག་དང་དགོངས་པ་འདོད།། དོན་ནི་སོ་སོའི་བྱ་བ་སྒྲུབ།། ཁ་བསྐང་བ་དང་སྐོང་མི་དགོས།། ཁ་བསྐང་སྒྲུབ་ཐབས་བཅུ་བཞི་པ།། རེ་རེ་ལ་ཡང་ཐ་དད་སྟེ།། དེ་ཡིད་འདོད
182b4 པའི་བྱ་བ་སྒྲུབས།། སྒྲ་ཡི་ཡི་གེའི་ནང་ནས་ནི།། བསྐང་མི་དགོས་པའི་བྱ་བ་སྒྲུབ།། འདོད་པའི་བྱ་བ་ཟབ་མོ་ཡིན།། རྡོ་བ་གཉིས་ལས་བྲུས་ནས་ནི།། ཐོད་པ་ལ་སོགས་ཤོང་བར་བྲུ།། དེ་ཡི་ནང་དུ་རྫས་རྣམས
182b5 གཞུག། ཐོད་ཆེན་ལ་སོགས་ཐེམ་ཡིག་བྲི།། རྡོ་བ་དག་ལ་ཐེམ་ཡིག་བྲི།། སྦྱོར་བ་རྣམ་གསུམ་ཐེམ་པར་གཞུག། རྒྱ་སྐྱེགས་མཚལ་ཆེན་སྦྱར་ལ་ནི།། རྡོ་ཡི་གཟུགས་ནི་སྦལ་པར་བྱ།། སྦལ་པ་ནག་པོ་དམར་ཐིག
182b6 ཅན།། ལ་ཆ་བསེ་ཡིས་བསྐུལ་བར་བྱ།། ལྕགས་གཟེར་དག་གིས་གདབ་པར་བྱ།། ཀླུ་ཆེན་གནས་པའི་རྒྱ་མཚོའམ།། བྱང་དུ་བལྟས་པའི་ཀླུ་ཆེན་ལ།། དེ་ཡི་ནང་དུ་གནན་པར་བྱ།། ཏིང་འཛིན་སྔགས་དང་ཕྲིན་ལས
iiif viewer powered by OpenSeadragon
