| e-texts navigator |
| Wylie |
180a1 དང་ཁྲག་ཐུན་གྱིས།། ཁྱིམ་མམ་ཡུལ་ཕྱོགས་ཟོར་འཕངས་ན།། སྨྱོ་འབོག་བརྒྱལ་ནད་འཆི་བར་འགྱུར།། འབྲུམ་ནག་ནད་ཀྱིས་ཤི་བའི་ཁྲག། ཉུང་དཀར་དུག་དང་སྦྱར་བ་ཡིས།། ཁྱིམ་མམ་ཡུལ་ཕྱོགས
180a2 ཟོཟེར་འཕངས་ན།། ཡུལ་ཁམས་འབྲུམ་ནག་ནད་ཀྱིས་འཆི།། མཁྲིས་ནད་རྩ་ཡི་ཁྲག་དང་ནི།། ཉུང་དཀར་ཉུངས་ནག་དུག་སྣ་ཚོགས།། ཁྱིམ་མམ་ཡུལ་ཕྱོགས་ཟོར་འཕངས་ན།། མཁྲིས་ནད་རིམས་ཀྱིས་འཆི་བར
180a3 འགྱུར།། ཉུང་དཀར་ཉུངས་ནག་སྐེ་ཚེ་མཚེ།། མུ་ཟི་ནག་པོ་ཁྲག་སྣ་ཚོགས།། ཁྱིམ་མམ་ཡུལ་ཕྱོགས་ཟོར་འཕངས་ན།། ཕོ་ལོག་གླང་ཐབས་ནད་ཀྱིས་འཆི་བར་འགྱུར།། མྱོས་རིམས་ཙིཏྟའི་ཁྲག་དང་ནི།། ཉུང་དཀར་ལ
180a4 སོགས་དུག་སྣ་ཚོགས།། ཁྱིམ་མམ་ཡུལ་ཕྱོགས་ཟོར་འཕངས་ན།། རིམས་ནད་ཆེན་པོས་འཆི་བར་འགྱུར།། ཡུལ་མཁར་ས་དང་མཚོན་ཕྱེ་དང་།། ལོ་ཟླར་བཤམས་པའི་གཏོར་མ་དང་།། ཉུང་དུག་ལ་སོགས་དམེ་ཁྲག
180a5 དང་།། ཁྱིམ་མམ་ཡུལ་ཕྱོགས་ཟོར་འཕངས་ན།། ཡུལ་མཁར་ཤོར་དང་དམེ་ཡིས་འཆི།། ཞེས་ཀཱི་ལ་ཡ་གསང་བའི་དགོངས་རྒྱུད་ལས། དྲག་པོ་ཟོར་གྱི་རྫས་ཀྱི་ལེའུ་སྟེ་བཞི་བཅུ་བཞི་པའོ།། །། དེ་ནས་ཡང་ཀརྨ
180a6 ཧེ་རུ་ཀས།། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀཱི་ལ་ཡ།། དྲག་པོ་ཟོར་གྱི་རྫས་རྣམས་དེ་ལགས་ན།། གནན་ཕུར་བརྒྱ་རྩ་བརྒྱད་ཀྱི་དོན་ནི་ཇི་ལྟར་ལགས།། ཞེས་གསོལ
iiif viewer powered by OpenSeadragon
