| e-texts navigator |
| Wylie |
179b1 གཟའ་ཡི་བུ་མོ་ཡིན།། ནི་ནི་སྒྲོལ་བའི་དྲག་སྔགས་ཡིན།། མར་ནི་ཀླུ་ཡི་བུ་མོ་ཡིན།། ནི་ནི་སྒྲོལ་བའི་དྲག་སྔགས་ཡིན།། རྔ་ནི་མིང་པོ་དག་ཡིན་ཏེ།། ནི་ནི་སྒྲོལ་བའི་དྲག་སྔགས་ཡིན།། སྨད་ཀྱི་སྟོད་ཀྱི་དྲག་སྔགས
179b2 དང་།། སྟོད་ཀྱི་བར་གྱི་དྲག་སྔགས་དང་།། སྒྲ་ཡི་ཡི་གེ་དགུ་དག་དང་།། དགྲ་ཡི་ཡི་གེ་བཅུ་གཅིག་གིས།། བསྐུལ་བ་ལས་ཀྱི་གསང་སྔགས་སྦྱར།། ཕུར་པ་ཟོར་གྱི་དྲག་སྔགས་སོ།། ཞེས་ཀཱི་ལ་ཡ་གསང་བའི་དགོངས་རྒྱུད
179b3 ལས། དྲག་པོ་ཟོར་གྱི་དྲག་སྔགས་ཀྱི་ལེའུ་སྟེ་བཞི་བཅུ་གསུམ་པའོ།། ། དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཻ་ལ་ཡ་ལ་གསོལ་པ།། དྲག་པོ་ཟོར་གྱི་དྲག་སྔགས་དེ་ལ་ལགས་ན།། དྲག་པོ
179b4 ཟོཟེར་གྱི་རྫས་རྣམས་ཇི་ལྟར་ལགས།། ཞེས་གསོལ་པ་དང་། རྣལ་འབྱོར་རྗེས་སུ་འཇུག་པ་ལ།། དེ་ཡི་དོན་རྣམས་ངས་བསྟན་གྱི།། ཉུང་དཀར་ཉུང་ནག་སྐེ་ཚེ་མཚེ།། གཉེན་པོའི་ཁྲག་ཐུན་ཟོར་དག་ལ།། མཆེ་བ་ཅན་དང
179b5 མཆུ་གུག་ཁྲག། ཐུན་དུ་བྲབ་སྟེ་ཟོར་འཕངས་ན།། ཁྲག་གཟེར་ནད་ཀྱིས་འཆི་བར་འགྱུར།། ཉུང་དཀར་ནག་སྐེ་ཚེ་མཚེ།། མཛེ་ཕོའི་ཁྲག་ཐུན་ཟོར་འཕངས་ན།། མཛེ་རིམས་ནད་ཀྱིས་འཆི་བར་འགྱུར།། ཉུང་དཀར་ལ
179b6 སོགས་མི་ར་ཁྱི།། སྣ་ཚོགས་དུག་དང་ཁྲག་ཐུན་གྱིས།། ཁྱིམ་མམ་ཡུལ་ཕྱོགས་ཟོར་འཕངས་ན།། མྱོས་དང་རླབས་དང་ལྐུགས་ནས་འཆི།། ཉུང་དཀར་ལ་སོགས་མི་ར་ཁྱི།། དྷ་དུ་ར་དང་ལུག་མིག་དང་།། སྣ་ཚོགས་དུག
iiif viewer powered by OpenSeadragon
