| e-texts navigator |
| Wylie |
179a1 དང་ཕོ་ཉ་བཀའ་ཉན་ཚོགས།། སྔོན་ཆད་ཇི་ལྟར་དམ་བཅས་པ།། ཁྱེད་ཀྱི་ཐུགས་དམ་དུས་ལ་བབ།། མངོན་སྤྱོད་ཕྲིན་ལས་མྱུར་དུ་མཛོད།། དམ་ཅན་གནད་ལ་ཕབ་ལ་བསྐུལ།། བྱང་ཆུབ་མཆོག་ཏུ་སེམས
179a2 བསྐྱེད་ཅིང་།། དེ་ལྟར་དེ་བཞིན་རྗེས་སུ་བྱ།། རྡོ་རྗེ་གསང་བའི་བཀའ་ལས་ནི།། དེ་ལྟར་དེ་ཡི་རྗེས་སུ་བྱ།། སྨད་ཀྱི་སྟོད་དང་སྨད་ཀྱི་སྨད།། སྨད་ཀྱི་སྨད་ཀྱི་དང་པོ་དང་།། སྨད་ཀྱི་སྟོད་ཀྱི་དང་པོའི་སྨད།། དཀྱིལ་འཁོར
179a3 གསུམ་གྱི་སྦྱོར་ཁའོ།། ཞེས་ཀི་ལ་ཡ་གསང་བའི་དགོངས་རྒྱུད་ལས། དྲག་པོ་ཟོར་གྱི་ལས་ཀྱི་ལེའུ་སྟེ་བཞི་བཅུ་གཉིས་པའོ།། ། དེ་ནས་ཡང་ཀརྨ་ཧེ་རུ་ཀས།། བཅོམ་ལྡན་འདས་ལ་གསོལ་པ།། ཀྱེ་བཅོམ
179a4 ལྡན་བཛྲ་ཀཱི་ལ་ཡ།། དྲག་པོ་ཟོར་གྱི་ཕྲིན་ལས་དེ་ལགས་ན།། དྲག་པོ་ཟོར་གྱི་དྲག་སྔགས་གང་།། ཞེས་གསོལ་པ་དང་།། རྣལ་འབྱོར་རྗེས་སུ་འཇུག་པ་ལ།། དེ་ཡི་དོན་རྣམས་ངས་བསྟན་གྱི།། ཀ་ནི་སྐུ་ཡི་སྙིང་པོ
179a5 །། གཟུགས་ཅན་སྒྲོལ་བའི་དྲག་སྔགས་ཡིན།། ཛ་ནི་གསུང་གི་སྙིང་པོ་སྟེ།། ངག་ནི་སྒྲོལ་བའི་དྲག་སྔགས་ཡིན།། ཨ་ནི་ཐུགས་ཀྱི་སྙིང་པོ་ཡིན།། ཡིད་ནི་སྒྲོལ་བའི་དྲག་སྔགས་ཡིན།། མུ་ནི་མུ་ཀ་ཧེ་ཞེས་བྱ།། ཤྭ་ན་མ
179a6 ཡི་དྲག་སྔགས་ཡིན།། རུ་ནི་རཀྐ་སྲིན་མོ་སྟེ།། བདག་ཉིད་མ་ཡི་དྲག་སྔགས་ཡིན།། ས་ནི་བདུད་ཀྱི་བུ་མོ་ཡིན།། ནི་ནི་སྒྲོལ་བའི་དྲག་སྔགས་ཡིན།། ར་ནི་བཙན་གྱི་བུ་མོ་ཡིན།། ནི་ནི་སྒྲོལ་བའི་དྲག་སྔགས་ཡིན།། པྲ་ནི
iiif viewer powered by OpenSeadragon
